|
|
|
|
|
|---|---|---|---|
| 79501 | लालनपालन | ना. | स्नेहका साथ खानलाउन दिने काम; पालनपोषण। |
| 79502 | लालना | ना. | स्नेहका साथ बालकलाई पाल्ने काम; स्नेह; माया। |
| 79503 | लालपाते | ना. | टुप्पामा रातो फूल फुल्ने, भाँच्दा दुध झैँ सेतो तरल पदार्थ निस्कने, नर्कट झैँ एउटै डाँठ हुने एक थरी बोट वा त्यसैको रातो पात; लालुपाते। |
| 79504 | लालपुर्जा | ना. | जग्गाधनीलाई प्रमाणका निम्ति दिइने मोठ, कित्ता जग्गाको परिमाण आदि लेखिएको रातो छापचिह्न लागेको कागत; जग्गाधनी दर्ता प्रमाणपुर्जा। |
| 79505 | लाल फित्ताशाही | वि. | नियमको बहुलता भएको प्रशासनिक प्रणाली; फित्ताशाही (रेडटेपिज्म)। |
| 79506 | लालबुझक्कड | वि. | ठिक कुरो थाहा नपाईकन अन्दाजको भरमा निराधार बुद्धि लडाउने; डेढअक्कली। |
| 79507 | लालबैजनी | ना. | रातो र बैजनी मिश्रित एक प्रकारको रङ। |
| 79508 | लालबैजनी | ना. | राष्ट्राध्यक्षले विधेयक आदि स्वीकृत गर्दा लगाइने छाप, राजमुद्रा। |
| 79509 | लालमोहन | ना. | खुवा, पिठो आदिको डल्लो रातो हुन्जेल घिउमा पकाई चास्नीमा डुबाएर बनाइएको मिठाई। |
| 79510 | लालमोहर | ना. | १. राजाको शासनमा रातो रङ्गबाट लगाइने गरेको राजाको छाप। |
| 79511 | लालमोहर | ना. | २. त्यस्तो छाप लागेको कागजा। |
| 79512 | लालमोहरिया | वि. | लालमोहर भएको वा पाएको; लालमोहरसम्बन्धी। |
| 79513 | लालस/लालसा | ना. | १. लालच। |
| 79514 | लालस/लालसा | ना. | २. गर्भवतीको रुचि। |
| 79515 | लालसागर | ना. | दक्षिणी अरब र उत्तरपूर्वी अफ्रिकाका बिचको समुद्रको नाम। |
| 79516 | लाला | ना. | बालक; बच्चो; बालो। |
| 79517 | लालाबाला | ना. | बालबच्चा; केटाकेटी। |
| 79518 | लालायित | वि. | १. ज्यादै लुब्ध; अति लोभी। |
| 79519 | लालायित | वि. | २. राल चुहाउने; रालो। |
| 79520 | लालित | वि. | १. लालना गरिएको; माया गरिएको। |
| 79521 | लालित | वि. | २. पुलपुल्याइएको। |
| 79522 | लालित्य | ना. | १. ललित हुनाको भाव वा अवस्था; सौन्दर्य; लावण्य। |
| 79523 | लालित्य | ना. | २. प्रेमसूचक हाउभाउ। |
| 79524 | लालिमा | ना. | रातोपना; लाली। |
| 79525 | लाली | ना. | १. लालिमा; रातोपन। |
| 79526 | लाली | ना. | २. ओठ, गाला आदिमा सौन्दर्यका निम्ति लगाइने राम्रो रङ्गको शृङ्गारसाधन। |
| 79527 | लालीगुराँस | ना. | हरिया खसा पात हुने, गुलाफी रङको झुप्पा फूल फुल्ने (इरिकेसी समूहको ) एक वृक्ष वा त्यसैको फूल; नेपालको राष्ट्रिय फूल। |
| 79528 | लालुपाते | ना. | हे. लालपाते। |
| 79529 | लाल्चा | ना. | लालच। |
| 79530 | लाल्चा | ना. | (उदा.- मयो ताल्चा लाल्वाउपर परनिन्दा पर सो- लेखनाथ )। |
| 79531 | लाल्ची | वि. | लाल्चा गर्ने; लालची। |
| 79532 | लावण्य | ना. | १. लवणको भाव वा गुण; नुनिलोपन। |
| 79533 | लावण्य | ना. | २. राम्रो हुनाको भाव वा अवस्था सौन्दर्य; माधुर्य। |
| 79534 | लावण्य | ना. | 3. असल शीलस्वभाव हुनाको गुण वा स्थिति; सुशीलता। |
| 79535 | लावा १ | ना. | ज्वालामुखी पहाडबाट निस्कने पत्थर, धातु आदिको द्रव पदार्। |
| 79536 | लावा २ | ना. | धान भुटेर तयार पारिने पूजा र मङ्गलकार्यमा समेत प्रयोग गरिने सेतो, हलुको खाद्य पदार्थ; लाजा। |
| 79537 | लावाधान | ना. | बाहिर झुसले ढाकेको, भुट्दा लावा निस्कने लाम्चो खालको धान। |
| 79538 | लावाबाजा | ना. | चारदेखि आठ फिटसम्म लामो हुने, विशेष गरेर सेर्पाजातिमा प्रचलित फुकेर बजाइने एक प्रकारको बाजा। |
| 79539 | लावालस्कर | ना. | १. हातहतियारसहितको फौज वा सेना। |
| 79540 | लावालस्कर | ना. | २. सेना र त्यसको सरसामान। |
| 79541 | लावालस्कर | ना. | ३. मानिसको ताँती। |
| 79542 | लास | ना. | मृत शरीर; मुर्दा; शव। |
| 79543 | लासजाँच | ना. | कर्तव्य, आत्महत्या वा अरू कुनै कारणबाट मानिस मर्दा मरेको वास्तविक कारण पत्ता लगाउनका निम्ति गरिने लासको जाँच; शवपरीक्षण (पोस्टमार्टम )। |
| 79544 | लासजाँच मुचुल्का | ना. | लासजाँच गरी मृत्युको कारण र अन्य विवरणसमेत लेखिएको काग। |
| 79545 | लास परीक्षण | ना. | लासजाँच। |
| 79546 | लास्ट | वि. | घस्टिएको; लाठ। |
| 79547 | लास्य | ना. | १. नाच; नृत्य। |
| 79548 | लास्य | ना. | २. प्रेमभावनालाई विभिन्न हाउभाउका साथै अङ्गविन्यासद्वारा प्रकट गरिने विशेष प्रकारको नृत्य। |
| 79549 | लास्य | ना. | ३. गानबजानसहितको नाच। |
| 79550 | लाहाँचे | ना. | कालो लामो चुच्चो, रातो टाउको, निला खुट्टा र हरियो शरीर हुने, रुख कपेर गुँड लगाउने एक जातको चरो। |