|
|
|
|
|
|---|---|---|---|
| 7951 | खोऱ्याइनु | क.क्रि. | खोऱ्याउने काम गरिनु, केरिनु, खेरिनु। |
| 7952 | खोऱ्याउनु | स.क्रि. | कुनै कुराको पत्तो लगाउन दोहऱ्याईतेहऱ्याई सोध्नु, कुनै अभियुक्तबाट उसले गरेको कसुरबारे यथावत् र विस्तृत जानकारी लिनाका लागि नाना तरहले सोधपुछ गर्नु, केर्नु; खेर्नु। |
| 7953 | खोर्सानी | ना. | तिहुन, तरकारी, अचार आदिमा हालिने र मसलाका रूपमा समेत लिइने लाम्चो, कोसाका आकारको, पिरो प्रसिद्ध फल। |
| 7954 | खोल्नु | स.क्रि. | १. बन्द भएको अवस्थाबाट खुला पार्नु, उघार्नु। |
| 7955 | खोल्नु | स.क्रि. | २. बन्धनबाट मुक्त पार्नु, फुक्का गर्नु वा छाडा गर्नु। |
| 7956 | खोल्नु | स.क्रि. | ३. नयाँ पसल, कारखाना, विद्यालय आदिको स्थापना गर्नु, उद्घाटन गर्नु। |
| 7957 | खोल्नु | स.क्रि. | ४. बन्द भएको कामकुरो फेरि सुरु गराउनु वा चलनमा ल्याउनु। |
| 7958 | खोल्नु | स.क्रि. | ५. निकाल्नु; आविष्कार गर्नु। |
| 7959 | खोल्नु | स.क्रि. | ६. दाम्लो, खोर आदिबाट फुक्का गर्नु, छाड्नु। |
| 7960 | खोल्नु | स.क्रि. | ७. कविता आदि वा कुनै शास्त्रीय विषयको स्पष्ट नभएको अर्थ स्पष्ट गराउनु; व्याख्या गर्नु। |
| 7961 | खोल्नु | स.क्रि. | ८. अनावृत गराउनु। |
| 7962 | खोल्नु | स.क्रि. | ९. दौडाउनु; कुदाउनु। |
| 7963 | खोल | ना. | कुनै वस्तुको बचाउ वा ढाकछोपका लागि तयार गरिने त्यसै आकारको कपडा, कागत आदिको थैलो। |
| 7964 | खोल | ना. | काठ कपेर ऐना वा फल्याक जड्न बनाइएको खोल्सो। |
| 7965 | खोलखाल | ना. | खोल्ने वा उघार्ने काम; उदाङ्गो पार्ने काम। |
| 7966 | खोले ठाकुर | ना. | धिमालजातिका ग्रामदेवता; थानपति देवता। |
| 7967 | खोलपाटो | ना. | खोलको एकापट्टिको भाग वा खण्ड; भित्र रुवा नपाँजिँदैका अवस्थाको खोल। |
| 7968 | खोलपाटो पर्नु | टु. | पटक्कै नमिल्नु, अमिल्दो हुनु। |
| 7969 | खोला | ना. | रक्सी खानका लागि प्रयोगमा ल्याइने सानो खालको कटौरा। |
| 7970 | खोला | ना. | १. सानोतिनो नदी, झन्डै नदीजस्तो सानो जलप्रवाह। |
| 7971 | खोला | ना. | २. खोलाको नजिक रहेको सानो बस्ती; नदीका नजिकको गाउँघर। |
| 7972 | खोलाइ | ना. | खोल्ने क्रिया वा प्रक्रिया। |
| 7973 | खोलाइनु | क.क्रि. | खोल्न वा उघार्न लाइनु। |
| 7974 | खोलाउनु | प्रे. क्रि. | खुला पार्न वा खोल्न लाउनु। |
| 7975 | खोलाखोली | ना. | सानाठुला धेरै खोला; सानाठुला खोलाहरूको समूह। |
| 7976 | खोलाटोला | ना. | खोलाको छेउछाउमा रहेको गाउँले बस्ती; पानीघाट र चरन एउटै भएको गाउँठाउँ। |
| 7977 | खोलाधोबी | ना. | खोलाटोलामा हुने एक किसिमको धोबीचरो। |
| 7978 | खोलानाला | ना. | नदी र नालाहरूको समूह; सानाठुला धेरै खोला; नदीनाला; खोलाखोली। |
| 7979 | खोली | ना. | १. खोपाएका रोगीलाई अरूका संसर्गमा आउन नदिई छुट्टै राख्न बनाइएको अस्थायी छाप्रो, खोपाउने वैद्यको थर्पु। |
| 7980 | खोली | ना. | २. सानो खोलो। |
| 7981 | खोली बाँसुरी | ना. | केही बाँकी नरहेका कुरा भएभरका जम्मै कुरा; सिरीखुरी। |
| 7982 | खोले | ना. | १. गाईबस्तुलाई खुवाउन मकै, चामल, भटमास आदिको पिठो पकाइएको बाक्लो झोल ; कुँडो। |
| 7983 | खोले | ना. | २. प्रायः गरिबहरूले खाने, मकैको पिठो, कनिका, सागपात आदि मिसाएर पकाइएको लेदो खाद्य पदार्थ; फाँडो। |
| 7984 | खोले | ना. | वि. ३. सभ्यता नजानेको; अशिष्ट; गँवार (मानिस)। |
| 7985 | खोले | ना. | ४. कष्टले जीवननिर्वाह गर्ने, दुःखी। |
| 7986 | खोले खेत | ना. | खोलाको छेउछाउमा रहेको वा खोलाको पानी लाग्ने खेत; खोलाले छाडेको जमिन बिराएर बनाइएको खे। |
| 7987 | खोले फाँडो | ना. | पिठो, कनिका आदिमा साग सिस्नु मिसाई पकाइएको लेदो खाद्य पदार्थ, गरिबगुरुवाहरूको निम्न स्तरको भोजन। |
| 7988 | खोले भूत | ना. | लोकविश्वासअनुसार खोलानालामा हिँडडुल गर्ने एक किसिमको भू। |
| 7989 | खोलेस | ना. | कुखुरा आदिको ओथारो बस्ने ठाउँ। |
| 7990 | खोलो | ना. | १. सानोतिनो नदी, झन्डै नदीजस्तो सानो जलप्रवाह। |
| 7991 | खोलो | ना. | २. खोलाको नजिक रहेको सानो बस्ती; नदीका नजिकको गाउँघर। |
| 7992 | खोलो पैह्रो | ना. | वर्षा वा भल- बाढी आदिले गर्दा जग्गाजमिनलाई नोक्सान पुऱ्याउने किसिमको खोला र पहिरो; बाढीपैहो। |
| 7993 | खोल्मा | ना. | १. माथिल्लो तलामा खेतीपातीका सरसामान राख्न र तल्लो तलामा गाईभैँसी आदि बाँध्न हुने गरी घरआँगनछेउ बनाइएको सानो झुप्रो; तला भएको गोठ। |
| 7994 | खोल्मा | ना. | २. पाखाबाली राख्ने ठाउँ; खल्मा; उरिम | |
| 7995 | खोल्मे | वि. | खोल्माजस्तो; खोल्माका आकारको। |
| 7996 | खोल्याँसो | ना. | खेतका गरामा लागेको बेसी पानी निकाल्न गरैपिच्छे कुनै ठाउँ आलीको डिल काटेर बनाइएको निकास वा त्यस्तो पानी जाने ठाउँ; खोलिएको समाहा। |
| 7997 | खोल्याङ | ना. | एउटाभन्दा अर्को ससानो गरा हुँदै गएको खे। |
| 7998 | खोल्साखोल्सी | ना. | सानाठुला धेरै खोल्सा, खोल्साहरूको समूह। |
| 7999 | खोल्सिनु | अ.क्रि. | १. खोल्सो पर्नु, कुलेसो पर्नु। |
| 8000 | खोल्सिनु | अ.क्रि. | २. शरीरको अत्तरछाला वा रुखपातको बाहिरी पातलो बोक्रा उप्कनु। |