|
|
|
|
|
|---|---|---|---|
| 86451 | षडङ्ग | ना. | ३. शरीरका दुई खुट्टा, दुई हात, टाउको र घड- यी छवटा मुख्य अवयव। |
| 86452 | षडङ्ग | ना. | ४. गाईको गोबर, गहुँत, दुध, दही, घिउ र गोरोचनसमेत छ थरी उपयोगी पदार्। |
| 86453 | षडभिज्ञ | ना. | बुद्ध। |
| 86454 | षडवन्त | ना. | अग्निहोत्रका कर्ममा अग्निलाई पुरोडाश दिने पात्र। |
| 86455 | षडानन | ना. | छ मुख हुने कार्तिकेय; कुमार। |
| 86456 | षड्ऋतु | ना. | वसन्त, ग्रीष्म, वर्षा, शरद, हेमन्त र शिशिर गरी छवटा ऋतु। |
| 86457 | षड्गुण | ना. | एउटा राज्यले अर्को राज्यसित मौकाअनुसार अँगाल्ने छवटा मुख्य नीति - सन्धि, विग्रह, यान (आक्रमण), आसन (विश्राम), द्वैधीभाव र संश्रय (बलियो राजा वा राज्यको आश्रय )। |
| 86458 | षड्ज | ना. | सङ्क्षेपमा 'स' वा 'सा' भनिने, सङ्गीतको सप्तस्वरमध्येको पहिलो स्वर। |
| 86459 | षड्दर्शन | ना. | हिन्दुहरूका छवटा आस्तिक दर्शन (साङ्ख्य, योग, न्याय, मीमांसा, वैशेषिक र वेदान्त)। |
| 86460 | षड्बिन्दु | ना. | १. विष्णु। |
| 86461 | षड्बिन्दु | ना. | २. कमिलाका छाँटको एक प्रकारको किरो। |
| 86462 | षड्बिन्दु | ना. | ३. कपाल दुख्ता लगाइने तिलको तेल, बाखीको दुध र भृङ्गीराजको रस मिलाएर बनाइएको आयुर्वेदीय तेल। |
| 86463 | षड्मुख | ना. | शिवपार्वतीका पुत्र कुमार। |
| 86464 | षड्यन्त्र | ना. | १. अरूको अनिष्ट गर्नका निम्ति गुप्त रूपले गरिने जालझेलको व्यवहार वा कारबाई; कपटपूर्ण आयोजन। |
| 86465 | षड्यन्त्र | ना. | २. मारण, मोहन, वशीकरण, स्तम्भन, विद्वेष र उच्चाटन गराउने छ प्रकारका यन्त्र। |
| 86466 | षड्यन्त्रकारी | वि. | षड्यन्त्र गर्ने (मानिस); षड्यन्त्री। |
| 86467 | षड्यन्त्री | वि. | षड्यन्त्रकारी। |
| 86468 | षड्रस | ना. | गुलियो, अमिलो, नुनिलो, पिरो, तितो र टर्रो - यी छ प्रकारका रस वा स्वाद। |
| 86469 | षड्राग | ना. | सङ्गीतशास्त्रका अनुसार छ किसिमका राग (श्री, भैरव, मेघ, हिन्डोल, दीपक र मालकोश)। |
| 86470 | षड्रिपु | ना. | मानिसहरूका काम, क्रोध, लोभ, मोह, मद र मात्सर्य - यी छवटा जोडदार शत्रु। |
| 86471 | षड्विकार | ना. | प्राणीहरूका मनमा हुने छवटा विकार वा परिणाम (जन्म, वृद्धि, बाल्यावस्था,यौवन, वार्धक्य र मृत्यु )। |
| 86472 | षण्ड | ना. | १. नसुमरेको गोरु; बैल। |
| 86473 | षण्ड | ना. | २. नपुंसक; हिजडा। |
| 86474 | षण्ढ | ना. | नपुंसक; हिजडा। |
| 86475 | षण्ढ | ना. | स्त्री. षण्ढा। |
| 86476 | षण्मुख | ना. | हे. षडानन। |
| 86477 | षष्टि | ना. | साठी। |
| 86478 | षष्ठ | वि. | छ सङ्ख्याको ; छैटौँ। |
| 86479 | षष्ठांश | ना. | १. छ भागमध्ये एक भाग; छैटौँ भाग। |
| 86480 | षष्ठांश | ना. | २. प्राचीन कालमा राजा वा राज्यले कृषकसँग लिने उब्जाको छैटौँ भाग। |
| 86481 | षष्ठिका | ना. | बालक जन्मेका छैटौँ दिनको रातमा पूजा गरिने देवी। |
| 86482 | षष्ठी | ना. | १. शुक्ल वा कृष्ण पक्षमा पर्ने छैटौँ तिथि; खस्टी (कथ्य.)। |
| 86483 | षष्ठी | ना. | २. छैटी। |
| 86484 | षष्ठी | ना. | ३. व्याकरणअनुसार प्रायः सम्बन्ध जनाउने विभक्ति; सम्बन्ध षष्ठी। |
| 86485 | षष्ठी तत्पुरुष | ना. | सम्बन्धबोधक षष्ठी पूर्वपद हुने समास; तत्पुरुष समासको एक भेद (जस्तो- घरकाज, पुस्तकघर, राजदरबार आदि)। |
| 86486 | षाडव | ना. | सङ्गीतमा सात स्वरमध्ये छ स्वर मात्र लाग्ने र एक स्वर वर्जित हुने एक राग। |
| 86487 | षाडव औडव | ना. | आरोहमा षाडव र अवरोहमा औडव हुने एक राग। |
| 86488 | षाडव सम्पूर्ण | ना. | आरोहमा षाडव र अवरोहमा सम्पूर्ण हुने राग। |
| 86489 | षाण्मासिक | वि. | छ महिनाको; छ महिने; अर्द्धवार्षिक। |
| 86490 | षोडश | ना. | १. सोह्रको सङ्ख्या वा अङ्क; सोह्र। |
| 86491 | षोडश | ना. | वि. २. सोऱ्हौँ। |
| 86492 | षोडशकला | ना. | चन्द्रमाका सोह्रकला वा अंश (अमृता, मानदा, पूषा, तुष्टि, पुष्टि, रति, धृति, शशिनी, चन्द्रिका, कान्ति, ज्योत्स्ना, श्री, प्रीति, अङ्गदा, पूर्णा र अमृता)। |
| 86493 | षोडशदान | श्राद्ध आदि कर्ममा एकसाथ गरिने सोह्र वस्तुको दान (भूमि, आसन, जल, वस्त्र, गाई, सुन, चाँदी, दीपक, अन्न, ताम्बूल, छत्र, सुगन्धी द्रव्य, फूलमाला, फल, शय्या र खराउ )। | |
| 86494 | षोडशमातृका | ना. | सोह्रवटी देवीको समूह ( गौरी, पद्मा, शची, मेधा, सावित्री, विजया, जया, देवसेना, स्वधा, स्वाहा, माता, लोकमाता, शान्ति, पुष्टि, धृति र स्वस्ति )। |
| 86495 | षोडशशृङ्गार | ना. | स्त्रीहरूले शरीर सजाउन अँगाल्ने सोह्र प्रकारका शृङ्गार (बुकुवा लाउनु, स्नान गर्नु, वस्त्र धारण गर्नु, मिसी लाउनु, कपाल कोर्नु, गाजल लाउनु, सिउँदोमा सिन्दूर लगाउनु, माहुर लगाउनु, निधारमा टिको लाउनु, चिउँडा वा गालामा कोठी बनाउनु, तिउरी लाउनु, अत्तर आदि सुगन्ध छर्कनु, गहनाहरू लाउनु, फूलको माला पहिरिनु, पान खानु र ओठमा लाली लाउनु)। |
| 86496 | षोडश संस्कार | गर्भाधादेखि मृत्युसम्ममा हुने द्विजातिका यी सोह्र थरी संस्कार (गर्भाधान, पुंसवन, सीमन्तोन्नयन, जातकर्म, नामकर्म, निष्क्रमण, अन्नप्राशन, कर्णवेध, विद्यारम्भ, चूडाकर्म, उपनयन, वेदारम्भ, केशान्त, समावर्तन, विवाह र अन्त्येष्टि)। | |
| 86497 | षोडशा | ना. | सोह्रवर्षे तरुनी; पट्ठी; षोडशी। |
| 86498 | षोडशी | ना. | १. सोह्र वर्षकी पट्ठी; मस्त तरुनी। |
| 86499 | षोडशी | ना. | २. दश महाविद्यामध्ये एक विद्या। |
| 86500 | षोडशी | ना. | ३. सनातनीहरू मरेका एघारौँ दिनमा गरिने मासिकका निम्तिका सोह्रवटा श्राद्ध। |