|
|
|
|
|
|---|---|---|---|
| 2901 | कार्यवश | क्रि.वि. | कामविशेषले कुनै काम आइलागेकाले ; कामका कारणले। |
| 2902 | कार्यवाहक | वि. | कुनै व्यक्तिको अनुपस्थितिमा नियमानुसार त्यस व्यक्तिको अधिकार लिई अस्थायी रूपमा काम गर्ने (कर्मचारी वा पदाधिकारी); कामको जिम्मा लिने कार्यकारी, कायममुकायम। |
| 2903 | कार्यवाहक सङ्ख्या | ना. | कुनै सभा वा बैठकलाई औपचारिक रूप दिन उपस्थित हुनुपर्ने निम्नतम सदस्यसङ्ख्या, हे. गणपूरक सङख्या। |
| 2904 | कार्यवाही | वि. | १. हे. कार्यवाहक। |
| 2905 | कार्यवाही | वि. | २. हे. कारबाई। |
| 2906 | कार्यवाही योग्यता | ना. | विशिष्ट सभा, मन्त्रिपरिषद् आदिको बैठकमा गरिएका काम, वादविवाद, निर्णय आदिलाई गोप्य राख्ने कार्य वा व्यवस्था। |
| 2907 | कार्यविधि | ना. | नियम, ऐनकानुनमा उल्लेख भएअनुसारका कार्यप्रणाली, कामको सवाल वा सिद्धान्। |
| 2908 | कार्यविनायक | ना. | काठमाडौँ उपत्यकाका प्रसिद्ध विनायक (गणेश) मध्ये पाटन जिल्लाको सैंबु भन्ने ठाउँमा रहेका एक विनायक। |
| 2909 | कार्यविवरण | ना. | १. कुनै कामको क्रमबद्ध व्याख्या गरिएको विवरण वा तथ्यप्रतिवेदन | |
| 2910 | कार्यविवरण | ना. | २. कामको फाँटवारी, कार्यसूची। |
| 2911 | कार्यव्यवस्था | ना. | सरकारी वा महाजनी कामको रप्फाडप्फा; राम्रोसँग मिलेको कामको रोहो वा स्थिति। |
| 2912 | कार्यव्यापार | ना. | घटना; व्यापार, इन्द्रियद्वारा प्रतिपादित कामकाज। |
| 2913 | कार्यशक्ति | ना. | कुनै भौतिक वा मानसिक काम गर्नका निम्ति चाहिने बलवा योग्यता, काम गर्ने सामर्थ्य वा दक्षता। |
| 2914 | कार्यशाला | ना. | यन्त्र आदिको मर्मत, निर्माण, प्रयोग आदि गर्ने कारखाना; ज्यासल; काम गर्ने ठाउँ। |
| 2915 | कार्यशाला गोष्ठी | ना. | गोष्ठी, सेमिनार आदिमा सहभागीहरूलाई सम्बन्धित विषयमा अभ्यास गराई प्रशिक्षण दिने कार्य वा त्यस्तो कार्य गर्ने शिविर | |
| 2916 | कार्यक्षम | वि. | काम गर्ने योग्यता वा क्षमता भएको; काम गर्न सक्ने। |
| 2917 | कार्यक्षमता | ना. | कार्यसक्षम हुनाको भाव वा स्थिति। |
| 2918 | कार्यसमिति | ना. | कुनै विशेष कामको सञ्चालन वा सम्पादनका निम्ति बनेको समिति, कार्यकारिणी समिति। |
| 2919 | कार्यसम्पादन | ना. | तोकिएको काम वा उत्तरदायित्वलाई पूरा गर्ने कार्य; कामको कार्यान्वयन। |
| 2920 | कार्य सम्पादन मूल्याङ्कन | ना. | कार्य सम्पादनको कामको लेखाजोखा; कुनै सम्बन्धित व्यक्तिलाई सुम्पिएको काम वा जिम्मेवारीको महत्त्व देखाउने वा आँक्ने काम। |
| 2921 | कार्यसूची | ना. | १. कामको विवरण वा बाँडफाँडबारे लेखिएको कागज, गर्नुपर्ने कामको स्पष्ट उल्लेख भएको विवरणपत्र, कामको फिरिस्त, कार्यावली। |
| 2922 | कार्यसूची | ना. | २. सभा, बैठक आदिमा अनुमोदन वा पारित गर्नुपर्ने प्रस्ताव (एजेन्डा)। |
| 2923 | कार्यस्थगन | ना. | काम स्थगित गर्ने प्रक्रिया वा व्यवस्था। |
| 2924 | कार्यस्थगन प्रस्ताव | ना. | कुनै आवश्यक एवं सार्वजनिक महत्त्वका प्रश्नमा विचार गर्नका निम्ति अन्य कार्य छाडेर यसै आवश्यक विषयलाई प्राथमिकता दिन विधानसभा, प्रतिनिधिसभा, राष्ट्रिय सभा, राजसभा आदिमा राखिने प्रस्ताव | |
| 2925 | कार्यस्थल | ना. | काम गर्ने ठाउँ वा थलो। |
| 2926 | कार्यस्थल अनुसन्धान | ना. | कार्यस्थल वा सम्बन्धित क्षेत्रमा नै निष्कर्ष निकाल्नुपर्ने अनुसन्धान कार्य। |
| 2927 | कार्याधिकारी | ना. | निर्धारित कामको परिचालन, कार्यान्वयन, व्यवस्थापन आदि गर्ने अधिकारी वा प्रमुख व्यक्ति; खास खास कामको जिम्मा लिएको हाकिम। |
| 2928 | कार्याध्यक्ष | ना. | उच्चतम पदमा रहेर कुनै कामको सञ्चालन वा सम्पादन गर्ने अधिकारी। |
| 2929 | कार्यान्वयन | ना. | लिखित वा मौखिक रूपबाट गर्न ठहर भएको कामकारबाईलाई विधिपूर्वक व्यवहारमा ल्याउने कार्य। |
| 2930 | कार्यान्वित | वि. | कार्यरूपमा ल्याइएको वा व्यवहारमा प्रयोग गरिएको काम भएको। |
| 2931 | कार्यान्विति | ना. | १. कार्यान्वित हुने क्रिया वा अवस्था। |
| 2932 | कार्यान्विति | ना. | २. नाटक, उपन्यास, काव्य, कथा आदिमा सुरुदेखि अन्तसम्म एउटै मूल कथा हुनुपर्छ भन्ने मान्यता। |
| 2933 | कार्यार्थ | ना.यो. | १. उल्लेख भएअनुसार काम गर्नका लागि, सम्बद्ध कार्यलाई व्यवहारमा परिणत गर्नका निम्ति (अनुरोध वा आदेश)। |
| 2934 | कार्यार्थ | ना.यो. | ना. २. त्यस्तै काममा चिठीपत्रको देहायमा लेखिने शब्द; बोधार्थ र कार्यार्थमध्ये एक। |
| 2935 | कार्यार्थी | वि. | आफ्नो काम पूरा गर्न प्रयास गर्ने कार्यसिद्धिको चाहना गर्ने। |
| 2936 | कार्यालय | ना. | १. कुनै विशेष काम वा व्यवसाय गर्ने घर, कारखानाघर। |
| 2937 | कार्यालय | ना. | २. प्रशासनसम्बन्धी कामकुरा गर्ने निश्चित ठाउँ, अड्डा। |
| 2938 | कार्यालय प्रति | ना. | चिठीपत्र, सूचना आदि अन्यत्र पठाउँदा कार्यालयमा रहने प्रति; प्रतिलिपि; नकल। |
| 2939 | कार्यालय सचिव | ना. | कार्यालयसँग सम्बन्धित पत्राचारको काम सँभाल्ने, विभिन्न विषयको अभिलेख वा रेकर्ड राख्ने आदि कार्यसम्पादन गर्ने व्यक्ति, कुनै संस्था, कम्पनी, क्लब आदिको कार्यालयलाई सञ्चालन गर्न खटाइएको वैतनिक वा अवैतनिक व्यक्ति। |
| 2940 | कार्यालयीय | वि. | कार्यालयसँग सम्बन्धित कार्यालयको। |
| 2941 | कार्यावली | ना. | हे. कार्यसूची। |
| 2942 | कार्यावस्था | ना. | नाटकसाहित्यमा पञ्चसन्धि अर्थात् कथावस्तुमा अपेक्षित कार्यका पाँच अवस्था (आरम्भ, यत्न, प्राप्त्याशा, नियताप्ति र फलागम)। |
| 2943 | कार्षापण | ना. | १. असी रत्ती हुने अति पुरानो तामाको मुद्रा, भिन्न भिन्न मूल्यका मुद्रा। |
| 2944 | कार्षापण | ना. | २. सोह पण बराबरको लिच्छविकालीन तामाको सिक्का | |
| 2945 | काल | ना. | १. वर्ष, महिना, बार, दिन, रात, घडी आदिका रूपमा गणना हुने दुई घटना वा क्रियाका बिचको समय, बेला; बखत, अवधि, टाइम; मौसम। |
| 2946 | काल | ना. | २. कुनै कार्य गर्नका निमित्त उपयुक्त घडी वा अवसर। |
| 2947 | काल | ना. | ३. समयको कुनै निश्चित अव अवधि वा सूचक मान (उदयकाल, प्रातःकाल, सायङ्काल इ.)। |
| 2948 | काल | ना. | ४. मृत्युका देवता; यम। |
| 2949 | काल | ना. | ५. मृत्यु; मरण; नियति। |
| 2950 | काल | ना. | ६. शनिग्रह। |