|
|
|
|
|
|---|---|---|---|
| 85501 | शाह | ना. | ठकुरीको एक थर। |
| 85502 | शाह | ना. | २. राजा, बादशाह। |
| 85503 | शाह | ना. | ३. ठकुरी क्षेत्रीको एक उपाधि। |
| 85504 | शाहजादा | ना. | राजाका छोरा वा भाइ। |
| 85505 | शाहजादी | ना. | राजाकी छोरी वा बहिनी। |
| 85506 | शाहन्शाह | ना. | राजाहरूका पनि राजा, महाराजाधिराज, सम्राट्। |
| 85507 | शाहन्शाही | ना. | शाहन्शाहको कार्य, मर्यादा वा पदवी वि. २. शाहन्शाहसम्बन्धी, शाहन्शाहको। |
| 85508 | शाहन्शाही | ना. | ३. शाहन्शाहको जस्तो। |
| 85509 | शाहवंश | ना. | शाहको कुल। |
| 85510 | शाही | वि. | शाह वा राजाको वंशसँग सम्बन्धि। |
| 85511 | शाही | वि. | ना. २. ठकुरीहरूको एक वर्गको पदवी। |
| 85512 | शाही अधिपत्र | ना. | मानपदवी पाउने व्यक्तिहरूलाई राजाबाट प्रदान गर्ने गरिएको मानपदवीको प्रशस्तिसमेत भएको पत्र। |
| 85513 | शाही आयोग | ना. | राजाबाट कुनै विशेष कार्यको सम्पादनका निम्ति गठन गरिने आयोग। |
| 85514 | शाहीघोषणा | ना. | राजा वा बादशाहबाट शासनक्षेत्रमा दिइने विशिष्ट वक्तव्य। |
| 85515 | शाही परिवार | ना. | राजपरिवार। |
| 85516 | शाहीरक्षक | ना. | अङ्गरक्षक। |
| 85517 | शाही सम्बोधन | ना. | राजाबाट देशवासीका नाममा गरिने सम्बोधन भाषण। |
| 85518 | शाही सूचना | ना. | राजाबाट जारी गरिने सूचना। |
| 85519 | शाही सेना | ना. | नेपाल सङ्घीय लोकतान्त्रिक गणतन्त्र बन्नुपूर्वको नेपाली सेनाको नाम। |
| 85520 | शाही स्वीकृति | ना. | संसदबाट पास भएका विधेयकलाई राजाबाट लालमोहर लगाउने काम। |
| 85521 | शिंशपा | ना. | कालो, सेतो र पहेँलो तीन प्रकारको हुने र काठबाट फर्निचरहरू बनाइने एक रुख, सिसौ। |
| 85522 | शिक्षक | ना. | शिक्षा दिने वा विद्यालयमा पढाउने व्यक्ति,अध्यापक, गुरु, मास्टर। |
| 85523 | शिक्षक शिक्षण | ना. | विद्यार्थी वा जिज्ञासुलाई शिक्षा दिने नयाँ तरिकाको ज्ञान वा सिकाइ, शिक्षकतालिम। |
| 85524 | शिक्षक शिक्षण केन्द्र | ना. | शिक्षकहरूलाई शिक्षणविधि सिकाउने ठाउँ; शिक्षकहरूका निम्तिको शिक्षालय। |
| 85525 | शिक्षण | ना. | शिक्षा दिने वा ज्ञानार्जन गराउने काम,अध्यापन। |
| 85526 | शिक्षण | ना. | २. कुनै विषय सिक्नेसिकाउने काम तालिम। |
| 85527 | शिक्षण विज्ञान | ना. | शिक्षण दिने विधि वा परिपाटीको विवेचना गरिएको शास्त्र। |
| 85528 | शिक्षण विज्ञान | ना. | शिक्षण विधि- ना. विद्यार्थीलाई शिक्षा दिने तरिका वा परिपाटी। |
| 85529 | शिक्षणशास्त्र | ना. | शिक्षणपद्धतिसँग सम्बन्धित शास्त्र। |
| 85530 | शिक्षण समिति | ना. | कुनै विषयको शिक्षण व्यवस्था तथा समुचित सञ्चालनका निम्ति बनेको समिति (जस्तो- नेपाली शिक्षण समिति, इतिहास शिक्षण समिति, संस्कृत शिक्षण समिति इ. )। |
| 85531 | शिक्षण संस्था | ना. | छात्रछात्राहरूलाई व्यवस्थित रूपमा शिक्षा दिने वा पठनपाठन गराउने एक वा धेरै शिक्षालय। |
| 85532 | शिक्षणीय | वि. | शिक्षा दिन योग्य, सिकाउन उचित, सिकाउनुपर्ने। |
| 85533 | शिक्षा | ना. | विद्यालय, महाविद्यालय आदिमा र घरैमा पनि नियमित रूपले अध्ययन गर्नेगराउने वा पढाइको चाँजोपाँचो मिलाउने काम, ज्ञान दिने वा लिने काम विद्या। |
| 85534 | शिक्षा | ना. | २. सिकेर, सुनेर वा अन्य कुनै पनि प्रकारले समाज र प्रकृतिद्वारा ग्रहण गरिने सैद्धान्तिक तथा व्यावहारिक विषयको बोध। |
| 85535 | शिक्षा | ना. | ३. कुनै कुराको उचित तालिम वा अर्ती उपदेश। |
| 85536 | शिक्षा | ना. | ४. वेदका छ अङ्गमध्ये मन्त्रहरूको उच्चारणविधिको निरूपण गरिएको अंश वा खण्ड। |
| 85537 | शिक्षादिवस | ना. | नेपालमा प्रतिवर्ष भाद्र २३ गते शैक्षिक क्षेत्रमा उत्सव मनाइने दिन। |
| 85538 | शिक्षादीक्षा | ना. | व्यक्तिको मानसिक र चारित्रिक विकास तथा सद्गुणका निम्ति दिइने अर्ती उपदेश। |
| 85539 | शिक्षाध्यक्ष | ना. | त्रिभुवन विश्वविद्यालयको सङ्गठनअनुसार शैक्षिक मामलाको दायित्व वहन गर्ने तथा पाठ्यक्रम, अनुसन्धान, विद्यार्थी कल्याण र संयोजन आफ्ना मातहतमा रहेको एक उच्च पद,रेक्टर। |
| 85540 | शिक्षापद्धति | ना. | शिक्षा दिने ढाँचा वा काइदा, शिक्षण प्रणाली। |
| 85541 | शिक्षा परिषद् | ना. | शिक्षाको प्रचारप्रसार तथा अभिवृद्धिका निम्ति संलग्न वा सङ्गठित संस्था। |
| 85542 | शिक्षा परिषद् | ना. | २. कुनै शिक्षणसंस्थाको पाठ्यक्रम, शिक्षणव्यवस्था आदिको निर्णय वा तर्जुमा गर्न बनेको, शिक्षाविदहरूको समिति। |
| 85543 | शिक्षाप्रणाली | ना. | शिक्षा दिने प्रणाली वा काइदा, शिक्षापद्धति। |
| 85544 | शिक्षाप्रद | वि. | शिक्षा दिने वा पाइने ज्ञानबर्द्धक। |
| 85545 | शिक्षा मन्त्रालय | ना. | देशको शिक्षाक्षेत्र तथा शैक्षिक सङ्गठनका तहमा आवश्यक क्रियाकलापको संयोजन, नीतिनिर्धारण, व्यवस्थापन आदि मूलभूत कार्य गर्ने मन्त्रालय। |
| 85546 | शिक्षामन्त्री | ना. | शिक्षामन्त्रालयको कार्यभार वहन गरेको वा त्यसको समुचितव्यवस्था मिलाउने मन्त्री। |
| 85547 | शिक्षायोजना | ना. | शिक्षाका आवश्यक साधन जुटाउने तथा समुचित उपाय, व्यवस्था आदि गर्ने पूर्वनिश्चित रूपरेखासहितको योजना। |
| 85548 | शिक्षायोजना | ना. | २. नेपालमा राष्ट्रिय शिक्षायोजनाअन्तर्गत सक्षम जनशक्ति तयार पार्ने तथा व्यवसायमूलक पद्धतिमा जोड दिने उद्देश्यले चलाइएको शैक्षिक योजना। |
| 85549 | शिक्षार्थी | ना. | शिक्षा लिने वा पढ्ने व्यक्ति, विद्यार्थी छात्र। |
| 85550 | शिक्षा समुदाय | ना. | शिक्षार्थीहरूको समूह। |