|
|
|
|
|
|---|---|---|---|
| 9701 | घरजग्गा | ना. | घर र खेतबारी । |
| 9702 | घरजग्गा कर | ना. | घर र जग्गामा लाग्ने नियम - कानुनबमोजिमको निर्धारित कर । |
| 9703 | घरजग्गावाला | ना. | घर र जग्गाको मालिक वा स्वामी, घर र जग्गाको धनी । |
| 9704 | घरजम | ना. | घरबार तथा परिवारसमेतको बन्दोबस्त गरेर बस्ने काम; घर-गृहस्थी, गृहस्थाश्रम | |
| 9705 | घरजुवाईं / घरज्वाइँ | ना. | ससुरालीमा बसेर जीविका चलाउने जुवाइँ | |
| 9706 | घरझगडा | ना. | घरभित्र हुने झगडा वा बाझो; गृहकलह । |
| 9707 | घरझारो | ना. | प्रत्येक घरबाट मद्दत लिने काम, घरलौरी | |
| 9708 | घरतरुल | ना. | १. पानका जस्ता पात हुने, मञ्जरीजस्तो फूल फुल्ने र गिट्ठाजस्ता खैरा फल फल्ने, लामा र विभिन्न रङका कन्द हुने एक लहरो । |
| 9709 | घरतरुल | ना. | २. त्यसैको कन्द वा गानो । |
| 9710 | घरदर | ना. | १. जनगणना, जनगणनासम्बन्धी काम । |
| 9711 | घरदर | ना. | २. घरको सङ्ख्या, घरधुरी । |
| 9712 | घरद्वार | ना. | घरबार, घरबास । |
| 9713 | घरधनी | ना. | घरको मालिक, गृहस्वामी; गृहपति । |
| 9714 | घरधन्दा | ना. | घरको कामकाज, घरेलु व्यवहार, घरेलु धन्दा, घरायसी काम, कोठेधन्दा | |
| 9715 | घरपटी /घरपट्टी | ना. | घरको मालिक, घरधनी, गृहपति, गृहस्वामी । |
| 9716 | घरपाइक | ना. | घरको नजिक, घरको छेउछाउ । |
| 9717 | घरपारुवा | वि. ना. | अन्न तथा फलफूल आदिबाट पारम्परिक घरेलु प्रविधिद्वारा तयार पारिएको रक्सी | |
| 9718 | घरपाला / घरपालुवा | वि. | घरमा पालेको वा पालिने; घरेलु (पशुपक्षी आदि) । |
| 9719 | घरपाला / घरपालुवा मौरी | ना. | घरका बारी, बगैंचा आदि ठाउँमा पालिने र चाकाबाट धेरै मह र थोरै मैन प्राप्त हुने एक प्रकारको मौरी । |
| 9720 | घरपैंचो | ना. | १. नयाँ घरको प्रतिष्ठा, घरको वास्तुकर्म । |
| 9721 | घरपैंचो | ना. | २. बाहिरफेरको लिनुदिनु नभई घरैमा गरिएको पैंचो वा सापटी | |
| 9722 | घरफोरा | वि. | १. घरको भेद शत्रुलाई बताउने घर बझाउने वा घरमा फुट ल्याउने । |
| 9723 | घरफोरा | वि. | २. घर फोर्ने चोरी गर्ने । |
| 9724 | घरबन्दी | ना. | घरमै थुनेर राख्ने काम, घरबाहिर जान नदिने गरी लगाइने बन्देज | |
| 9725 | घरबार | ना. | १. घर र बारीको बन्दोबस्त, घरजम, घरगृहस्थी। |
| 9726 | घरबार | ना. | २. विवाह। |
| 9727 | घरबारी | ना. | घर र खेतीपाती, घर र घरवरिपरिको जमिन, गृहस्थी । |
| 9728 | घरबारी सन्न्यासी | ना. | १. जोगी र जोगिनीबाट जन्मेको व्यक्ति जन्मदेखि नै सन्न्यासी । |
| 9729 | घरबारी सन्न्यासी | ना. | २. घरबार गरी बसेको सन्न्यासी, गृहस्थ सन्न्यासी । |
| 9730 | घरबास | ना. | आफू बस्ने घर, रासोबासो; घरबार । |
| 9731 | घरबिदा | ना. | सरकारी वा कुनै पनि संस्थानका कर्मचारीले सालभरमा नियमले तोकेबमोजिम घर बस्न पाउने बिदा | |
| 9732 | घरबुना | ना. | घरेलु तानमा तयार गरिने एक जातको मोटो कपडा, खाँडी, खादी। |
| 9733 | घरबेटी | ना. | हे. घरभेटी । |
| 9734 | घरभँडुवा / घरभाँडा | वि. | १. घर-परिवारमा नचाहिँदा झमेला झिकेर घर भाँड्ने काम गर्ने, घरको मूली वा मालिकका अदबमा नरही जथाभाबी गरेर अरू जहानको मन बिगार्ने । |
| 9735 | घरभँडुवा / घरभाँडा | वि. | ना. २. त्यस्तो किसिमको मानिस । |
| 9736 | घरभाडा | ना. | आफ्नो घर अरू कसैलाई निश्चित वा केही समयका लागि चलन गर्न दिएबापत पाइने बहाल, महसुल, किराया । |
| 9737 | घरभेटी | ना. | १. घरजग्गाको धनी घरको मालिक, घरबेटी । |
| 9738 | घरभेटी | ना. | २. भाडा तिरेर घरमा बस्नेहरूले घरधनीलाई भन्ने शब्द घरपट्टी । |
| 9739 | घरवाला | ना. | घरको मालिक, घरपट्टी; घरबेटी । |
| 9740 | घरसङ्गा | ना. | घर बनाउन चाहिने मालसामान (खाँबो, बलो आदि काठपात) । |
| 9741 | घरसङ्गी | ना. | घरसङ्गा। |
| 9742 | घरसाङ्लो | ना. | प्रायः दही, दुध भएका घरमा हुने कैलो - कैलो रङको साइलो | |
| 9743 | घरसापटी | ना. | घरखर्चका निम्ति एक घरका मानिसले अर्का घरका मानिससँग लिने सापटी | |
| 9744 | घरसार | ना. | १. घरायसी काम घरधन्दा । |
| 9745 | घरसार | ना. | २. घरगृहस्थी, घरजम; घरायस। |
| 9746 | घरसारको | वि. | घरमा गरिएको वा लेखिएको ( लिखत ); घरसम्बन्धी । |
| 9747 | घरान | ना. | घरको सम्पत्ति तथा मर्यादा, वंश, कुल, खानदान । |
| 9748 | घरान | ना. | कपडा आदिको लमाइ र चौडाइको नाप । |
| 9749 | घराना | ना. | १. उच्च कुल, प्रसिद्ध खानदान । |
| 9750 | घराना | ना. | २. वंश, कुल । |