|
|
|
|
|
|---|---|---|---|
| 10901 | चकानु | ना. | चक्काचक्का पारेर काटिएका टुक्रा, चानु, चाना। |
| 10902 | चकार्नु | अ.क्रि. | च' अक्षरबाट उच्चारण हुने मैथुनबोधक शब्द बोल्नु, चकारीका शब्दले गाली गर्नु । |
| 10903 | चकार | ना. | देवनागरी वर्णमालाको छैटौं व्यञ्जनवर्ण; चवर्गको पहिलो अक्षर; 'च' अक्षर । |
| 10904 | चकार | ना. | १. अश्लील गालीका रूपमा प्रयोग हुने शब्द । |
| 10905 | चकार | ना. | २. कसैले चोरेर ल्याएको चिज चोरको हातबाट नै चोर्ने चोर, चोरमाथिको चोर | |
| 10906 | चकारी | ना. | १. चकारको काम चोरी | |
| 10907 | चकारी | ना. | २. मैथुन, सम्भोग | |
| 10908 | चकाराइ | ना. | चकार्ने क्रिया भाव वा प्रक्रिया । |
| 10909 | चकारिनु | क.क्रि. | चकार्ने काम गरिनु । |
| 10910 | चकाली | ना. | हे. चकारी | |
| 10911 | चकित | वि. | १. छक्क परेको, विस्मित; आश्चर्यमा परेको । |
| 10912 | चकित | वि. | २. प्रकम्पित, भयभीत, डराएको । |
| 10913 | चकुवा | ना. | १. जाति र धर्मसम्बन्धी कामबाट पतित भई अलपत्र पर्ने काम । |
| 10914 | चकुवा | ना. | २. नोकर चाकर, भृत्य । |
| 10915 | चकुवी | ना. | पुरानो कानुनी परिपाटीअनुसार साधुले जार काट्दा अलपत्र परेकी स्त्री; वियोगिनी । |
| 10916 | चकोर | ना. | किंवदन्तीअनुसार चन्द्रमाको किरण हेरेर वा पान गरेर बाँच्ने एक पक्षी, च्याखुरो । |
| 10917 | चक्क | क्रि.वि. | चकाचक, धेरै, मनग्य हुने गरी (खाने किसिम) | |
| 10918 | चक्कर | ना. | १. फेरो मार्ने काम, फन्को घुमाइ, फेरो, परिक्रमा | |
| 10919 | चक्कर | ना. | २. रिंगटा; भाउन्ना। |
| 10920 | चक्कर | ना. | ३. घेरो; मण्डल | |
| 10921 | चक्कर | ना. | ४. हैरानी । |
| 10922 | चक्कर | ना. | ५. चारैतिर घुम्ने काम भ्रमण । |
| 10923 | चक्का | ना. | १. थेप्चो, बाटुलो वा गोलो, चेप्टो वस्तु । |
| 10924 | चक्का | ना. | २. मोटर, यन्त्र आदिका पाङ्ग्रा वा गोलाकारको कुनै अवयव पाङ्ग्रो । |
| 10925 | चक्का | ना. | ३. क्यासेट | |
| 10926 | चक्की | ना. | १. सानो चक्का । |
| 10927 | चक्की | ना. | २. नेपाली टोपीका बिचको गोलो भाग। |
| 10928 | चक्की | ना. | ३. औषधीको ट्याबलेट वा गोली । |
| 10929 | चक्की | ना. | ४ तास, गञ्जिफा आदिका पत्ती । |
| 10930 | चक्की | ना. | ५. चिट्ठाको नम्बर लेखिएको ससानो बाटुलो आकारका कागतको टुक्रो । |
| 10931 | चक्काजाम | ना. | पार्टी वा सङ्घसंस्थाद्वारा आफ्ना माग पूरा गराउन वा विरोध प्रदर्शन गर्न बस, मोटर आदि सवारी साधन बन्द गराउने स्थिति । |
| 10932 | चक्कु | ना. | धार भएको भागलाई दोबारेर बिडभित्रै छोपिने सानो काट्ने हतियार । |
| 10933 | चक्र | ना. | १. विष्णुको बाटुलो आकारको एक अस्त्र । |
| 10934 | चक्र | ना. | २. माटाका भाँडा बनाउने बाटुलो साधन । |
| 10935 | चक्र | ना. | ३. गोलो घेरो, मण्डल । |
| 10936 | चक्र | ना. | ४. हठयोगअनुसार शरीरभित्रका मूलाधार, स्वाधिष्ठान, मणिपूर, अनाहत, विशुद्धि, आज्ञा, ब्रह्मरन्ध्र आदि काल्पनिक छ वा त्यसभन्दा बढी स्थान। |
| 10937 | चक्र | ना. | ५. गाडी, मोटर आदिको गुड्ने गोलो वस्तु पाङ्ग्रो, चक्का । |
| 10938 | चक्र | ना. | ६. राज्य एकाधिपत्य । |
| 10939 | चक्र | ना. | ७. हातका औँलाको नङको उल्टापट्टि देखिने घुमुर्किएको रेखा । |
| 10940 | चक्र | ना. | ८. दल, समुच्चय। |
| 10941 | चक्रऋषि | ना. | हठयोगअनुसार शरीरभित्रका क्रमशः मूलाधार, स्वाधिष्ठान, मणिपूर आदिका कूर्म, वरुण, वायु आदि ऋषि । |
| 10942 | चक्रगुण | ना. | हठयोगअनुसार शरीरभित्रका क्रमशः मूलाधार, स्वाधिष्ठान आदिमा हुने गन्ध, स्वाद आदिको उत्तेजक ज्ञान । |
| 10943 | चक्रचाल | ना. | चालबाजी; षड्यन्त्र । |
| 10944 | चक्रचित्र | ना. | ज्यामितीय गणितमा प्रयोग हुने बाटुलो सङ्ख्यात्मक चित्र | |
| 10945 | चक्रछापा | ना. | टुँडामा सानो चक्र भएको कलमले लेखिएको कुरा विशेष खालको कागतद्वारा धेरै प्रति छाप्ने मेसिन, स्टेनसिल पेपरमा काटिएका वा छापिएका कुरा धेरै प्रति छाप्ने मेसिन । |
| 10946 | चक्रजीवी | ना. | कुमाले । |
| 10947 | चक्रतत्त्व | ना. | १. हठयोगअनुसार शरीरभित्रका क्रमशः मूलाधार, स्वाधिष्ठान, मणिपूर आदिका गन्ध, रस, रूप आदि तत्त्व | |
| 10948 | चक्रतत्त्व | ना. | २. ऐजनका अनुसार शरीरभित्रका क्रमशः मूलाधार, स्वाधिष्ठान, मणिपूर आदिका पृथ्वी, अप्, तेजस् आदि तत्त्व। |
| 10949 | चक्रदेवता | ना. | हठयोगअनुसार शरीरभित्रका क्रमशः मूलाधार, स्वाधिष्ठान, मणिपूर आदिका गणेश, ब्रह्मा, विष्णु आदि वा पार्थिव - नवात्मकेश्वर शाम्भव, दीपेश्वर शाम्भव, तेजस् संवर्तेश्वर शाम्भव आदि । |
| 10950 | चक्रधर | ना. | १. विष्णु वा कृष्ण । |