|
|
|
|
|
|---|---|---|---|
| 1051 | कमान, | ना. | बाँस वा धातुबाट निर्मित, नुगाउनका निम्ति दुई टुप्पामा ताँदो जडिने धनुषको अर्धवृत्ताकार भाग, धनु। |
| 1052 | कमानी | ना. | १. भारोत्तोलनका लागि जडिने, दह्रो तारबाट निर्मित लचिलो यान्त्रिक उपकरण; स्प्रिङ। |
| 1053 | कमानी | ना. | २. घडीमा दम दिँदा पटुका कसिए झैँ कसिने र दम निखँदा खुकुलिएर फुक्ने एक यान्त्रिक प्रणाली। |
| 1054 | कमानी | ना. | ३. स्मरणशक्ति तथा विवेकसँग सम्बन्धित स्नायुहरूको प्रणाली (मान्छेमा सीमित) | |
| 1055 | कमानीदार | वि. | १. बुद्धिमान्, स्मरणशाली, तेजस्वी (व्यक्ति)। |
| 1056 | कमानीदार | वि. | २. कमानीवाला हैकमवाला। |
| 1057 | कमान्डर | ना. | सेनाको एक उपाधि, पति (जस्तै - चमूपतिः कोर कमान्डर)। |
| 1058 | कमान्डर इन चिफ | ना. | १. प्रधान सेनापति। |
| 1059 | कमान्डर इन चिफ | ना. | २. राणाकालीन चिफसाहेब अथवा कमाडचिफ | |
| 1060 | कमान्डरी | वि. | १. कमान्डरसम्बन्धी, कमान्डरको काम गर्ने। |
| 1061 | कमान्डरी | वि. | ना. २. कमान्डरको चाला (उदा.- तपाईंको कमान्डरीले मलाई के गर्यो खै !)। |
| 1062 | कमान्डरी किताबखाना | ना. | सरकारी जागिरदारहरूको नामनामासी र तलबको लगत दर्ता गर्ने अड्डा (कर्मचारी प्रशासन व्यवस्था विभागको पूर्वरूप।)। |
| 1063 | कमारागिरी | ना. | कमार्तन, दासता। |
| 1064 | कमारो | ना. | सं. १९८१ सालमा करिया अमलेख हुनुभन्दा पूर्व कृषिदेखि लिएर घरेलु काममा समेत गृहस्थले सम्पत्तिका रूपमा किनबेच गर्ने गरेको श्रमिकवर्गको व्यक्ति, करिया, दास, घर्ती, खवासे। |
| 1065 | कमारो | ना. | स्त्री. कमारी। |
| 1066 | कमार्तन | ना. | कमारागिरी; दासता; दासत्व | |
| 1067 | कमाल | ना. | १. कुनै अनौठो अद्भुत वा चमत्कारिलो कार्य चमत्कार। |
| 1068 | कमाल | ना. | २. आश्चर्यजनक दक्षता वा कुशलता। |
| 1069 | कमाल | ना. | (उदा.- तेन्जिङ नोर्गेले सगरमाथा चढेर कमाल गरे। )। |
| 1070 | कमालको | वि. | अनौठो, अदभुत, आश्चर्यजनक (व्यक्ति, कार्य, वस्तु, इ.)। |
| 1071 | कमिच/कमिज | ना. | दौरा, कुर्ता, मयलपोस आदि झैँ कमरभन्दा माथि लगाइने, तनाको साटो टाँक, चेन आदि जडिने, बाहुला पूरा वा आधा हुने, आधा बाहुला भए साधारण मोहोता हुने, पूरा बाहुला भए कफ हुने तथा घाँटीमा कलर नामक कर्णाकार कठालो हुने अनेकौं प्रकारका उत्तरीय वस्त्रमध्ये कुनै एक (हाफ कमिज, फुल कमिज आदि)। |
| 1072 | कमिटी | ना. | हे. समिति। |
| 1073 | कमिनी | ना. | १. कामीको स्त्रीलिङ्गी रूप। |
| 1074 | कमिनी | ना. | २. कामी जातकी नारी वा कामीकी पत्नी। |
| 1075 | कमिली सलाह | क्रि.वि. | १. कमिला सरह, छ्यासछ्यासती, स्याउँस्याउँती, बग्रेल्ती | |
| 1076 | कमिली सलाह | क्रि.वि. | वि. २. धेरै, प्रशस्त (प्रायः सङ्ख्या)। |
| 1077 | कमिलो | ना. | गुलियो आदि स्वादिला पदार्थ रुचाउने, दुला, गोला वा पातमा गुँड लगाएर फुल पार्ने, ऋतुअनुसार फुल आदि बोकेर ठाउँ सर्ने, भविष्यका लागि अन्न फूल आदि सञ्चय गर्ने र पिँधमा बारुला आदिको झैं चिल्ने खिल हुने, जीवविज्ञानका अनुसार फर्मिसिडी परिवारमा पर्ने ज्यादै सानोदेखि लिएर ठिक्कको सानो आकारमा र जातअनुसारको रङमा देखा पर्ने भाले, पोथी र नपुंसकसमेत सम्मिलित भएर समुदाय गठन गरी सामूहिक रूपमा रहने एक जातको किरो। |
| 1078 | कमिसन | ना. | १. कुनै वस्तु किनबेच गर्दा बेपारीले माल किन्ने गाहकीलाई मोलमा केही रकम घटाएर दिने सुविधा। |
| 1079 | कमिसन | ना. | २. कुनै उत्पादक वा थोक वितरकले खुजुरा बेपारीलाई थोक माल लिएबापत निर्धारित मोलमा केही प्रतिशत घटाई दिने सुविधा। |
| 1080 | कमिसन | ना. | ३. व्यापारिक दलाल वा मध्यस्थ व्यापारीले आफूभन्दा माथिल्लो तहको व्यापारीबाट आफूले दलाली वा मध्यस्थता गरेबापत पाउने पारिश्रमिक, दलाली। |
| 1081 | कमिसन | ना. | ४. हे. आयोग। |
| 1082 | कमिस्नर | ना. | १. राजनीतिक नियुक्तिका आधारमा नियुक्त हुने अञ्चल वा जिल्लाका प्रमुख समस्याहरूको रेखदेख गर्ने क उच्च पद वा पदाधिकारी। |
| 1083 | कमिस्नर | ना. | २. अञ्चलाधीशको व्यवस्था हुनुभन्दा पहिले नेपालको राजधानी काठमाडौंमा बडाहाकिमको साटो काम गर्ने गरी तैनाथ गरिएको बडाहाकिमभन्दा माथिल्लो तहको पद वा पदाधिकारी। |
| 1084 | कमी | ना. | १. चाहिँदोभन्दा कम हुने भइरहेको सङ्ख्या, मात्रा, दर्जा, मान, गुण, परिमाण आदि घट्न जाने अवस्था वा स्थिति भएको वा चाहिएको भन्दा थोर हुने अवस्था, अल्पता, न्यूनता, अपर्याप्तता घटी। |
| 1085 | कमी | ना. | २. भाउ आदिको मन्दी। |
| 1086 | कमेना/ कमेनी | ना. | कामी जातकी स्त्रीलाई मान जनाउने शब्द | |
| 1087 | कमेरे | वि. | कमेरोजस्तो, कमेराका छाँटको सेतो रङको धमिलो (प्रायः तरल पदार्थ )। |
| 1088 | कमेरे पानी | ना. | सेतो रङको धमिलो पानीसँग मिल्दोजुल्दो भएको आधारमा जाँडलाई दिइने गरेको व्यङ्ग्यात्मक संज्ञा (तुल. नर्सिङट्वाक - रक्सी, नरम चाना- सुँगुरको मासु, भुत्ले साग- कुखुराको मासु आदि)। |
| 1089 | कमेरो | ना. | चुन जस्तै पोतेर घर आदि सिँगार्ने काम लिइने एक प्रकारको चिप्लो सेतो माटो (तुल) जुली कुमेटो - कमेरो)। |
| 1090 | कमै | ना. | १. प्रायः घुम छाप्ने काममा आउने एक प्रकारको ठुलठुला पात भएको लहरो। |
| 1091 | कमै | ना. | वि. २. अल्पताबोधक शब्द 'कम' को निश्चय, सीमा, अवधारणा, अठोट आदि जनाउँदाको रूप। |
| 1092 | कमै | ना. | (उदा.- धनमा म तिमीभन्दा कमै हुँला, तर मनमा कम छैन)। |
| 1093 | कमैया | ना. | १. जग्गाधनीकै नगदी र जिन्सी कर्जा लिएर सपरिवार अर्काको जग्गा कमाउने किसान, हरुवा (तुल) मैथिली हरवा)। |
| 1094 | कमैया | ना. | वि. २. काममा साह्रै जोतिन सक्ने, कमाइवाल, आर्जनी, पौरखी हिकमती (तुल) मैथिली कमकर)। |
| 1095 | कमोत | ना. | खेतबारी कमाउने काम। |
| 1096 | कमोत बस्ती | ना. | कमोत भएको वा हुन लायक बस्ती आबाद बस्ती। |
| 1097 | कमोती | ना. | १. कमो। |
| 1098 | कमोती | ना. | २. कमोतबाट आएको आयस्ता आर्जन। |
| 1099 | कमौट | ना. | १. हे. कमो। |
| 1100 | कमौट | ना. | २. गहनागुरिया वा भाँडाकुँडा आदि कमाउने वा कमाउन लगाउने काम। |