|
|
|
|
|
|---|---|---|---|
| 11301 | चन्द्रकला | ना. | १. चन्द्रकिरण, चन्द्रलेखा । |
| 11302 | चन्द्रकला | ना. | २. चन्द्रमाका सोह्र कला ( अमृता, मानदा, पूषा, पुष्टि, तुष्टि, रति, धृति, शशिनी, चन्द्रिका, कान्ति, ज्योत्स्ना, श्री, प्रीति, अङ्गदा, पूर्णा र पूर्णामृता) । |
| 11303 | चन्द्रकला | ना. | ३. शिरमा लगाउने चन्द्राकार गहनाविशेष | |
| 11304 | चन्द्रकान्त | ना. | चन्द्रमाको किरण पर्दा पानी निस्कने हरियो मणि, शशिकान्त शीतमणि, चन्द्रोपल । |
| 11305 | चन्द्रगन्ज | ना. | राणा प्रधानमन्त्री चन्द्रशमशेरका नामबाट रहेको एक प्रसिद्ध स्थान नेपालको पूर्वी तराईखण्डको सिराहा जिल्लामा पर्ने एक ठाउँ । |
| 11306 | चन्द्रगिरि | ना. | हे चन्द्रागिरि । |
| 11307 | चन्द्रगुप्त | ना. | १. विक्रमभन्दा २६३ वर्ष पूर्व पाटलिपुत्र राजधानी भएको मगधको राजसिंहासनमा बस्ने प्रथम मौर्य सम्राट् । |
| 11308 | चन्द्रगुप्त | ना. | २. ४३७ वि. सं. मा मगधको राजसिंहासनमा बस्ने विक्रमादित्य उपाधिधारी सुप्रसिद्ध गुप्तसम्राट्। |
| 11309 | चन्द्रग्रहण | ना. | १. चन्द्रमामा लाग्ने ग्रहण, राहुग्रस्त हुँदा चन्द्रमामा पर्ने आंशिक वा पूर्ण कालो टाटो । |
| 11310 | चन्द्रग्रहण | ना. | २. सूर्यको प्रकाश छेकिने गरी पृथ्वीको छाया चन्द्रमाका बिम्बमा परी आंशिक रूपमा वा पुरै चन्द्रमा नदेखिने हुने स्थिति त्यस स्थितिमा चन्द्रमामा देखिने कालो भाग वा टाटो । |
| 11311 | चन्द्रग्रहण | ना. | ३. हठयोगअन्तर्गत प्राण इडा नाडीद्वारा कुण्डलिनीमा पुगेको अवस्था । |
| 11312 | चन्द्रघण्टा | ना. | नवरात्रिका तेस्रो दिनमा पूजा गरिने एक भगवती, नवदुर्गामध्ये एक । |
| 11313 | चन्द्रचूड | ना. | चन्द्रशेखर, शिव, महादेव । |
| 11314 | चन्द्रधनु | ना. | चन्द्रमाको प्रकाशमा वा जुनेली रातमा देखिने इन्द्रधनु । |
| 11315 | चन्द्रधर | ना. | चन्द्रशेखर, शिव । |
| 11316 | चन्द्रप्रभा | ना. | चन्द्रमाको प्रकाश; जून | |
| 11317 | चन्द्रप्रासाद | ना. | जुनेली रातको आनन्द लिन सकिने भवनको छतभन्दा माथिको कोठा वा बुर्जा । |
| 11318 | चन्द्रबिन्दु | ना. | अक्षरहरूको थाप्लोमा लाग्ने अर्धचन्द्रबिन्दु, जूनटिकी; नाके स्वरबाट उच्चारण हुने त्यस्तो चिह्न) । |
| 11319 | चन्द्रबिम्ब | ना. | चन्द्रमाको प्रकाशमय वर्तुलाकार रूप, चन्द्रमाको पूर्ण बिम्ब, चन्द्रमण्डल, चन्द्रसभा । |
| 11320 | चन्द्रभाल | ना. | शिवजीको चन्द्रभूषणयुक्त रूप, शिवजी । |
| 11321 | चन्द्रमणि | ना. | चन्द्रमाका किरणका स्पर्शले जगमगाउने भनिएको हरियो मणिविशेष, चन्द्रकान्तमणि । |
| 11322 | चन्द्रमण्डल | ना. | १. चन्द्रमाको वरिपरि कहिलेकाहीँ देखापर्ने गोलाकार परिधि । |
| 11323 | चन्द्रमण्डल | ना. | २. चन्द्रमाको पूर्ण बिम्ब, चन्द्रबिम्ब, चन्द्रमाको मण्डल। |
| 11324 | चन्द्रमण्डल | ना. | ३. हठयोगअन्तर्गत दुवै आँखीभौं जोडिने ठाउँभन्दा माथि र निधारभन्दा तल रहेको काल्पनिक चन्द्रमा । |
| 11325 | चन्द्रमल्लिका | ना. | जुनेली रातमा ढकमक्क फुली चारैतिर मगमग बास्ना फैलाउने एक थरी चमेली फूल | |
| 11326 | चन्द्रमा | ना. | १. सूर्यको प्रकाश पाएर राति आकाशमा चम्कने र २९ १/२ दिनमा एकपल्ट पृथ्वीलाई परिक्रमा गर्ने पृथ्वीको उपग्रह, चन्द्र, जून; सोम, शशी, इन्दु । |
| 11327 | चन्द्रमा | ना. | २ नारीहरूले शिरमा लगाउने चन्द्रमाका आकारको एक गहना । |
| 11328 | चन्द्रमुख | वि. | १. चन्द्रमा झैं हँसिलो उज्यालो र चक्का मुहार भएको, ज्यादै राम्रो अनुहार भएको । |
| 11329 | चन्द्रमुख | वि. | ना. २. चन्द्रमाजस्तो मुख, चन्द्रमारूपी मुख। |
| 11330 | चन्द्रमुखी | वि. | चन्द्रमाजस्तो उज्यालो मुख भएकी, साह्रै राम्री । |
| 11331 | चन्द्रलेखा | ना. | चन्द्रमाको किरण; चन्द्रकला; चाँदनी । |
| 11332 | चन्द्रवंश | ना. | राजा पुरुरवादेखि प्रारम्भ भएको नेपाललगायत भारतवर्षका क्षत्रियहरूको एक प्रसिद्ध वंश | |
| 11333 | चन्द्रवदन | वि. | चन्द्रमाको जस्तो मुख भएको, सुन्दर । |
| 11334 | चन्द्रवदनी | वि. | चन्द्रमाको जस्तो मुख भएकी (स्त्री); राम्री सुन्दरी । |
| 11335 | चन्द्रवल्लरी / चन्द्रवल्ली | ना. | सोमलता। |
| 11336 | चन्द्रवार/चन्द्रवासर | ना. | हप्ताका सात दिनमध्ये चन्द्रमाको पालोमा परेको दिन आइतबारदेखि शनिवारसम्मका सात वारमध्ये दोस्रो वार, सोमवार। |
| 11337 | चन्द्रविनायक | ना. | काठमाडौं उपत्यकामा देवपत्तनको उत्तरी सीमामा पर्ने प्रसिद्ध चार गणेशमध्ये एक चाबहिल गणेश । |
| 11338 | चन्द्रविन्दु | ना. | देवनागरी लिपिअन्तर्गत अनुनासिक वा नाके ध्वनिको प्रतिनिधित्व गर्न सानुनासिक (स्वर) वर्णको शिरमा दिइने अर्ध चन्द्राकारको चिह्न, जूनटिकी (ँ)। |
| 11339 | चन्द्रशमशेर | ना. | नेपालमा वि. सं. १९०३ देखि सुरु भएको राणाशासनका पाँचौँ प्रधानमन्त्री वा श्री ३ महाराज ( शासनकाल वि. सं. १९५८ - १९८६०। |
| 11340 | चन्द्रशेखर | वि. | १. मस्तक वा निधारमा चन्द्रमा धारण गर्ने ना. २. महादेव शिव । |
| 11341 | चन्द्रहार | ना. | आधा चन्द्रमाको आकारका बहुमूल्य धातुका टुक्राहरूका योगबाट बनेको पूर्ण चन्द्रमाको जस्तो आकार भएको गलामा लगाइने गोलो माला वा हार, नारीहरूद्वारा गलामा लगाइने पूर्णचन्द्रमाका आकारको प्राचीन गहनाविशेष | |
| 11342 | चन्द्रहास | ना. | १. चम्किलो तरवार । |
| 11343 | चन्द्रहास | ना. | २. रावणको तरवार । |
| 11344 | चन्द्रांशु | ना. | चन्द्रकिरण; जून; चाँदनी । |
| 11345 | चन्द्रा | ना. | १. खुला दलान । |
| 11346 | चन्द्रा | ना. | २. चंदुवा । |
| 11347 | चन्द्रागिरि | ना. | चन्द्रगिरि काठमाडौँ उपत्यकाको दक्षिण-पश्चिम भागमा पर्ने, समुद्रको सतहभन्दा ८,३६५ फिट अग्लो एक प्रसिद्ध पर्वत । |
| 11348 | चन्द्रालोक | ना. | १. चन्द्रमाको प्रकाश । |
| 11349 | चन्द्रालोक | ना. | २. अलङ्कारवादी संस्कृत साहित्यशास्त्री जयदेवद्वारा लिखित एक ग्रन्थको नाम | |
| 11350 | चन्द्रिका | ना. | १. जून; चन्द्रमाको किरण, चाँदनी, ज्योत्स्ना; कौमुदी । |