|
|
|
|
|
|---|---|---|---|
| 12701 | चियाउनु | स.क्रि. | कुनै एक लुकिने ठाउँ वा चेप, प्वाल, छड्के कोण आदिबाट हेर्नु गुप्ती चालले वा छलेर विशेष दृष्टि लगाउनु, चियो गर्नु; चेवा गर्नु । |
| 12702 | चियाकमान | ना. | चियाको खेती गरिने वा चिया उब्जाइने ठाउँ । |
| 12703 | चियाचमेना/ चियापान / चियापानी | ना. | चिया, कफी आदिका साथ खाइने हल्काफुल्का अन्य ठोस खाद्य पदार्थहरू, खाजा, जलपान, लघुभोजन, चमेना । |
| 12704 | चियो | ना. | नचाहिंदो गरी हेर्ने वा बुझ्ने काम, चेवा; जासुसी, ढुकाइ, सुराख। |
| 12705 | चियोचर्चा | ना. | कहीँ कसले के गर्दै छ भनी ढुकेर वा लुकेर हेर्ने काम, चेवाचर्चा | |
| 12706 | चिर्नु | स.क्रि. | १. कुनै हतियारले कुनै वस्तुलाई दुई फ्याक हुने गरी फार्नु (दाउरा चिर्नु, काँक्रो चिर्नु इ.) । |
| 12707 | चिर्नु | स.क्रि. | २. घाउ, खटिरा आदि चिरफार गर्नु । |
| 12708 | चिर | वि. | धेरै समयसम्म रहने, दीर्घ, पुरानो ( चिरविरह, चिरकाल इ.) । |
| 12709 | चिरकाल | ना. | दीर्घ काल धेरै वा लामो समय । |
| 12710 | चिरगोजा | ना. | चिलगोजके सल्लाजातको रुख वा त्यसमा फल्ने ससाना दाना, सिम्टा, चिलगोजा । |
| 12711 | चिरचिर | ना. | १. चरा आदिको कलरव ध्वनि । |
| 12712 | चिरचिर | ना. | क्रि.वि. २. त्यस्तो ध्वनि निस्कने गरी । |
| 12713 | चिरचिरती / चिरचिरी | क्रि.वि. | लगातार त्यस्तो ध्वनिका साथमा । |
| 12714 | चिरचिरे | वि. | चिरचिर गर्ने स्वभावको, फर्कने बानी भएको । |
| 12715 | चिरञ्जीवी / चिरजीवी | वि. | १. दीर्घजीवी; चिरजीवी । |
| 12716 | चिरञ्जीवी / चिरजीवी | वि. | ना. २. पुराणअनुसार अमर मानिएका आठ चिरञ्जीवी ( अश्वत्थामा, मार्कण्डेय, बलि, व्यास, हनुमान्, विभीषण, कृपाचार्य र परशुराम ) । |
| 12717 | चिरञ्जीवी / चिरजीवी | वि. | ३. विष्णु । |
| 12718 | चिरञ्जीवी / चिरजीवी | वि. | ४. काग। |
| 12719 | चिरनवीन | वि. | जहिले पनि नयाँ नै देखिने, सधैँ नयाँ भइरहने; चिरनूतन । |
| 12720 | चिरनिद्रा | ना. | १. मृत्यु, मरण, महानिद्रा । |
| 12721 | चिरनूतन | वि. | हे. चिरनवीन । |
| 12722 | चिरन्तन | वि. | धेरै दिन पहिलेदेखिको प्राचीन कालदेखिको, पुरातन; सदाको । |
| 12723 | चिरपरिचित | वि. | धेरै पहिलेदेखि परिचय भएको वा चिनेको, धेरै अघिदेखिको चिनजान भएको । |
| 12724 | चिरप्रतीक्षित | वि. | धेरै पहिलेदेखि प्रतीक्षा गरिएको, धेरै दिनदेखि पर्खिएर बसेको । |
| 12725 | चिरफार | ना. | १. चिर्ने र फार्ने काम । |
| 12726 | चिरफार | ना. | २. रोगको उपचारका लागि गरिने शल्यक्रिया; अपरेसन । |
| 12727 | चिरबिर | क्रि.वि. | गौंथली, भँगेरा आदि साना-साना चराचुरुङ्गी कराउने किसिमले; त्यसरी कराएको आवाज निस्कने गरी । |
| 12728 | चिरबिरे | वि. | चिरबिर गर्ने; तिखो स्वरले बारम्बार कराइरहने । |
| 12729 | चिरस्थायी | वि. | १. धेरै समयसम्म रहने; पछिसम्म टिक्ने, टिकाउ, चिरस्थ | |
| 12730 | चिरस्मरणीय | वि. | धेरै दिनसम्म सम्झनामा रहिरहने; पछिसम्म सम्झन योग्य। |
| 12731 | चिराइ | ना. | चिर्ने वा चिर्न लगाउने भाव, क्रिया वा प्रक्रिया | |
| 12732 | चिराइतो | ना. | औलिया जरोमा काँढा पकाएर खाइने, तितो स्वादको एक प्रकारको जङ्गली बुटी, भूनिम्ब। |
| 12733 | चिराइनु | क.क्रि. | चिर्न लाइनु । |
| 12734 | चिराउनु | प्रे. क्रि. | चिर्न लाउनु । |
| 12735 | चिराउनी | ना. | १. चिराउँदा लाग्ने दस्तुर । |
| 12736 | चिराउनी | ना. | २. चिराउने काम; चिरानी । |
| 12737 | चिराक/चिराग | ना. | मुडेहातजतिको काठ वा बाँसमा कपास, कपडा बेरी तेलमा चोपेर बालिने राँके बत्ती; मसाल; पुल्ठो; राँको; दियालो । |
| 12738 | चिराचिरा | क्रि.वि. | १. कुनै कुरो चर्कने, चिरिने वा काटिने गरी । |
| 12739 | चिराचिरा | क्रि.वि. | २. काँक्रो, मेवा आदि ठाडोपट्टिबाट काटी धेरै चिरो पारेर । |
| 12740 | चिराचिरा | क्रि.वि. | ना. ३. त्यसरी काटिएका चिराको समूह; चिराचिरी । |
| 12741 | चिराचिरी | ना. | सानाठुला धेरै चिराको समूह | |
| 12742 | चिरानी | ना. | १. काठ आदि चिर्ने काम, कुनै वस्तुलाई चिरा पार्ने काम, चिराइ । |
| 12743 | चिरानी | ना. | २. त्यसरी चिरेको ज्याला वा मजदुरी । |
| 12744 | चिराफारा | ना. | १. थानबाट च्यातेर बाँकी रहन गएका ससाना टुक्रे कपडा, टुक्राटाक्री । |
| 12745 | चिराफारा | ना. | २. चिरफार । |
| 12746 | चिरायु | वि. | १. धेरै कालसम्म बाँचिरहने, चिरञ्जीवी । |
| 12747 | चिरायु | वि. | ना. २. लामो आयु दीर्घायु । |
| 12748 | चिरिनु | अ.क्रि. | १. चिरो हुनु, चिरो पर्नु । |
| 12749 | चिरिनु | अ.क्रि. | २. धाँजो पर्नु वा फाट्नु । |
| 12750 | चिरिनु | अ.क्रि. | स.क्रि. ३. अर्कालाई नराम्रो हुने वा मन नपर्ने गरी बेसरी खान, लतार्नु, घिच्नु । |