|
|
|
|
|
|---|---|---|---|
| 3651 | कुकाठ | ना. | १. बोक्रा झिकिएको नालुको डाँठ। |
| 3652 | कुकाठ | ना. | २. सार वा चुरो नभएको काठ; अग्राख जातभन्दा बाहिरको काठ; कमसल काठ; बेजातको काठ। |
| 3653 | कुकुना | ना. | फलाम, पित्तल आदि धातुको काम गर्ने कालिगडहरूले आगो तह लगाउने हन्बेर्नु, अङ्कुसे। |
| 3654 | कुकुर | ना. | स्याल, फ्याउरो, ब्वाँसो आदिका जातको प्रायः रखवारीका लागि पालिने घरपाला जनावर; श्वान; कुत्ता। |
| 3655 | कुकुरगाँठो | ना. | मैथुनका समयमा कुकुर जोल्टिएको अश्लील उदाहरण दिएर माया-प्रीतिमा लठिने जोडीलाई गिज्याइने शब्द | |
| 3656 | कुकुरजोल्टाइ | ना. | कामक्रीडामा हुने बढी आसक्ति। |
| 3657 | कुकुरभिंगो | ना. | कुकुरको जिउमा टाँसिएर बसिरहने चेप्टो खैरो झिँगो। |
| 3658 | कुकुरडाइनु | ना. | पानका झैं ठुलठुला पात हुने, पहेंलो फूल फुल्ने, झुप्पा झुप्पा राता गोल फल फल्ने काँडे लहरो वा त्यसको मुना। |
| 3659 | कुकुरडुलाइ | ना. | बिना काम वा उद्देश्यको हिँडाइ, लखरलखर डुल्ने चाल। |
| 3660 | कुकुरतिहार | ना. | कार्तिक कृष्ण चतुदर्शीका दिन कुकुरको पूजा गरिने र परम्पराअनुसार मनाइने चाडपर्व तिहारको दोस्रो दिन। |
| 3661 | कुकुरदाँत | ना. | मुखका माथिल्ला हारका अघिल्ला दाँत र बङ्गाराका माझमा रहने अरू दाँतभन्दा तिखा चारचुच्चे दाँ। |
| 3662 | कुकुरपुछ्रे | वि. | कुकुरको पुच्छरजस्तो ('ढ' अक्षर)। |
| 3663 | कुकुरबन्सो | ना. | बन्सो घाँसको एक प्रकार। |
| 3664 | कुकुर बिरालो | ना. | १. परस्परमा बाझ्ने वा झगडा गर्ने चाल ; बेमेल वा असहमति। |
| 3665 | कुकुर बिरालो | ना. | २. बालकहरूले खेल्ने एक खेल। |
| 3666 | कुकुर भुकाइ | ना. | १. कुकुर भुकेको शब्द। |
| 3667 | कुकुर भुकाइ | ना. | २. महत्त्व वा सार नभएको र प्रभाव नपर्ने भाषण। |
| 3668 | कुकुर भुकाइ | ना. | ३. फोस्रो धाक। |
| 3669 | कुकुर मराइ | ना. | कष्टपूर्ण मृत्यु साह्रै दुःखको मरण। |
| 3670 | कुकुरमुखा | वि. | कुकुरको जस्तो मुख भएको कुरूप। |
| 3671 | कुकुरमुखे | वि. | कुकुरमुखा। |
| 3672 | कुकुरमुत्ते | ना. | रुखमा उम्रने एक थरी च्याउ। |
| 3673 | कुकुरी | ना. | काँचो धागाको डल्लो। |
| 3674 | कुकुरे | ना. | सेतो भुवादार पात हुने र प्याजी रङका ससाना फूल फुल्ने एक बुटी। |
| 3675 | कुकुर्किनु | अ.क्रि. | कुक्रुक्क पर्नु, खुम्चिनु, कुचुर्किनु। |
| 3676 | कुकुर्क्याइ | ना. | कुकुर्किने भाव, क्रिया वा प्रक्रिया | |
| 3677 | कुकुर्ल्याइनु | क.क्रि. | कुक्रुक्क पारिनु, खुम्च्याइनु। |
| 3678 | कुकुर्क्याउनु | प्रे. क्रि. | कुक्रुक्क पार्नु, खुम्च्याउनु। |
| 3679 | कुकुलढुक | ना. | मुखमा अटाई - नअटाई खानेकुरो कोचेर निल्न खोज्दा आउने आवाज। |
| 3680 | कुकृत्य | ना. | नराम्रो वा नजाती काम दुष्कर्म, कुकर्म। |
| 3681 | कुक्क | क्रि.वि. | १. खाँदा गला लागेर वा घाँटीमा कुनै वस्तु अड्केर वेगसित वायु निस्कन नपाउँदा आवाज आउने गरी; असजिलो भएर गलाबाट कुक कुक शब्द निस्कने चालले। |
| 3682 | कुक्क | क्रि.वि. | ना. २. बाडुली वा हिक्का आउँदा निस्कने शब्द, किक्क। |
| 3683 | कुक्कु | ना. | कुक्कु' को आवाज निकालेर गर्मी याममा कराई हिँड्ने कोइलीका जातको चरो। |
| 3684 | कुक्कुट | ना. | १. जङ्गली कुखुरो, लुइँचे। |
| 3685 | कुक्कुट | ना. | २. कुखुरो। |
| 3686 | कुक्कुट | ना. | ३. आगाको फिलिङ्गो वा झिल्को। |
| 3687 | कुक्कुर | ना. | हे. कुकुर। |
| 3688 | कुक्रुक्क | क्रि.वि. | गोडा दोब्याउने वा खुम्च्याउने (जाडो, बुढ्याइँ, बाथ आदिले )। |
| 3689 | कुक्लुक्क | क्रि.वि. | एकै चोटि निल्ने गरी; कुक्क। |
| 3690 | कुक्षि | ना. | १. पेट, उदर। |
| 3691 | कुक्षि | ना. | २. गर्भाशय, कोख। |
| 3692 | कुक्षि | ना. | ३. कुनै चिजको भित्री भाग। |
| 3693 | कुक्षिशूल | ना. | पेट दुख्ने शूलको रोग, पेटदुखाइ। |
| 3694 | कुखुरी | ना. | चर्खाको सुइरोबाट झिकिएको धागाको लट्टी, कुकुरी। |
| 3695 | कुखुरी | ना. | पोथी कुखुरो। |
| 3696 | कुखुरी काँ | ना. | भाले कुखुरो बास्दा आउने आवाज। |
| 3697 | कुखुरे | वि. | कुखुरोजस्तो, कुखुराका स्वभावको; कुखुरो खाने। |
| 3698 | कुखुरे आन्द्रो | ना. | लाम्चा पात, हरियो र सेतो मिसिएका साना फूल र अपामार्गको जस्तो डाँठ हुने, वीर्यवर्धक मानिने एक लहरो। |
| 3699 | कुखुरे निद्रा | ना. | पातलो वा बेला बेलामा खुलिरहने निद्रा; चाँडचाँडै खुल्ने निद। |
| 3700 | कुखुरे बिख | ना. | एउटा मात्र डाँठ हुने र विषालु जरो हुने एक प्रकारको बर्खे बुटी। |