|
|
|
|
|
|---|---|---|---|
| 5101 | कोठाकोठी | ना. | २. बाकस, भाँडा आदिका ससाना धेरै खण्ड | |
| 5102 | कोठामचे/ कोठामोचे | ना. | [नेवा. कोठामचा ] कोठाको कामधन्दा गर्ने मान्छे, कोठे नोकर | |
| 5103 | कोठार | ना. | १. अन्नपात राख्ने ठुलो ढुकुटी, धनसार । |
| 5104 | कोठार | ना. | २. सिएका लुगाको आङपट्टि पर्ने भाग। |
| 5105 | कोठार | ना. | ३. पेटभित्रको भाग, गर्भाशय, पाठेघर। |
| 5106 | कोठार | ना. | ४. पेट, भुँडी । |
| 5107 | कोठारिन | ना. | कोठारको खटनपटन गर्ने वा काम गर्ने आइमाई, कोठाको काम वा भित्रिया काम गर्ने स्वास्नीमान्छे । |
| 5108 | कोठारी | ना. | जिमीदारको जग्गामा कोठारको जिम्मा लिएर काम गर्ने कर्मचारी, कोठारको रक्षक वा धरालो । |
| 5109 | कोठी, | ना. | जिउमा निस्कने कालो वा रातो नमेटिने मसिनु दाग वा थोप्लो तिल । |
| 5110 | कोठी | ना. | १. ठुलठुलो लेनदेन वा व्यापारको कारोबार हुने घर, ठुलो पसल । |
| 5111 | कोठी | ना. | २. रन्डीहरू बस्ने घर वा कोठा, वेश्यालय | |
| 5112 | कोठी | ना. | ३. चियाबगान, अलैंचीबगान आदिका व्यवस्थापकहरू रहने घर । |
| 5113 | कोठी | ना. | ४. धनसार । |
| 5114 | कोठीवाल | वि. | १. कोठी भएको, ठुलो व्यापार चलाउने । |
| 5115 | कोठीवाल | वि. | ना. २. महाजन, सेठ । |
| 5116 | कोठीवाल्नी | ना. | १. कोठीवालको स्त्रीलिङ्गी रूप; महाजन स्त्री । |
| 5117 | कोठीवाल्नी | ना. | २. रन्डीहरूको व्यवस्था मिलाएर जीवनवृत्ति गर्ने आइमाई, रन्डीकी नाइकेन । |
| 5118 | कोठे | वि. | १. कोठाजस्तो देखिने वा कोठैकोठा भएको (लुगाफाटाका बुट्टा आदि) । |
| 5119 | कोठे | वि. | २. कोठैमा बस्ने, हुने, गरिने वा टुङ्गिने (काम, कुरा, गफ इ.) । |
| 5120 | कोठे | वि. | ३. कोठाको। |
| 5121 | कोठे गफ | ना. | कोठामै मात्र गरिने र खास महत्त्व नभएको गफ वा कुरा । |
| 5122 | कोठे तुक्का | ना. | कुरौटे मान्छेले सहज रूपमा गर्ने कुरा, कोठामा बसेर कुरा गर्दा झिकिने साधारण हँस्यौली वा रमाइलो भएका टुक्का । |
| 5123 | कोठे दङ्गा | ना. | घरभित्रै हुने खलबली वा बझौटी, कोठाभन्दा बाहिर ननिस्कने सामान्य होहल्ला । |
| 5124 | कोठे पण्डित | ना. | भित्र मित्र गफ गरे तापनि बाहिर परेका ठाउँमा चुँ गर्न नसक्ने व्यक्ति, मुखको मात्र परिपाठ गर्ने मानिस। |
| 5125 | कोठेपद | ना. | ठाडो तेर्सो कोठैकोठा भएको हारमा नपुग अक्षरहरू दुवैतिरबाट थपी मिलाई कोठा तयार पार्नेले सोचेअनुसारको अर्थ निक्लने गरी भर्ने अभ्यास वा उत्तर । |
| 5126 | कोठेबाबु | ना. | घरमा चाहिँ डुक्रने, बाहिर भने बोल्नै नसक्ने मानिस, घरसाँढा, पिंढीसाँढे । |
| 5127 | कोठेबारी | ना. | घरवरिपरि फलफूल, तरकारी आदि लगाइने बारी, करेसाबारी। |
| 5128 | कोठे मालिक | ना. | १. घरमा छउन्जेल कुर्लने, बाहिर गएपछि भने लुरुक्क पर्ने व्यक्ति कोठे बाबु । |
| 5129 | कोठे मालिक | ना. | २. चुइयाँ, लोभी । |
| 5130 | कोठे राजनीति | ना. | बाहिर प्रभाव नपार्ने तर भित्रभित्र अकास - पत्ताल हाँक्ने राजनीति वा त्यस्तो चाल; मुढेबल। |
| 5131 | कोठे रानी | ना. | सिंगारपटार गरी कोठामा बसेको बस्यै गरिरहने आइमाई, कामकाजमा भन्दा सिंगारपटारमा ध्यान दिएर घरै बस्ने तरुनी स्त्री वा भित्रिनी स्वास्नी। |
| 5132 | कोठो | ना. | १. बिच बिचमा काठ, गारो आदिले बारेर घरभित्र बनाइएको सानो वा ठुलो खण्ड । |
| 5133 | कोठो | ना. | २. दराज, बाकस आदिमा फल्याक आदि ठोकेर बनाइएको खाना, खण्ड | |
| 5134 | कोठो | ना. | ३. कागत, लुगा, भुइँ आदिमा त्यसै वा बुट्टा भर्ने अभिप्रायले तेर्सा र ठाडा धर्सा पारी बनाइएको खाना । |
| 5135 | कोठो | ना. | ४. धान, चामल आदि राख्ने चोयाले बुनेको भाँडो भकारी । |
| 5136 | कोढ | ना. | हे. कोर । |
| 5137 | कोण | ना. | १. दुई दिशाका बिचको दिशा, उपदिशा । |
| 5138 | कोण | ना. | २. दुई दिशाबाट आएका सरल रेखाहरू जोडिने ठाउँ वा कुनु । |
| 5139 | कोणधारी | वि. | सबैतिर फिँजिएको वा कोण परेको । |
| 5140 | कोणधारी वन | ना. | त्यस्तै बाक्लो वन । |
| 5141 | कोत | ना. | सरकारी फौजको खरखजाना, हातहतियार आदि राखिने घर मौलो पूजा गरिने ठाउँ, कोट । |
| 5142 | कोत पर्व | ना. | नेपालको इतिहासप्रसिद्ध, वि. सं. १९०३ मा हनुमान् ढोका दरबारको कोतमा भएको जङ्गबहादुरद्वारा रचित आफू प्रधानमन्त्री हुन गरिएको भाइभारदारहरूको नृशंस हत्यापूर्ण ठुलो राजनीतिक घटना वा काण्ड | |
| 5143 | कोतर्नु | स. क्रि. | १. कुनै वस्तुलाई हातले वा अन्य साधनले कोट्ट्ट्याउनु, कोत्रनु । |
| 5144 | कोतर्नु | स. क्रि. | २. चुच्चाले ठुग्नु, टुकटुक पार्नु । |
| 5145 | कोतर्नु | स. क्रि. | ३. नङ्ग्रा आदिले चिथोर्नु, कोपर्नु । |
| 5146 | कोरिनु | क.क्रि. | कोतर्ने काम गरिनु कोट्टिनु । |
| 5147 | कोतऱ्याइ | ना. | कोतर्ने काम वा प्रक्रिया | |
| 5148 | कोतऱ्याउनु | प्रे. क्रि. | कोतर्न लाउनु । |
| 5149 | कोतवाल | ना. | कुनै प्रमुख केन्द्र; किल्ला वा सीमामा स्थानीय शान्तिसुरक्षाका लागि राखिएको प्रहरी अधिकृत । |
| 5150 | कोतवाली | ना. | प्रहरीसम्बन्धी काम कारबाई र सानातिना फौजदारी मुद्दाको कारबाई गर्ने कोतवालको अड्डा वा ठाना। |