|
|
|
|
|
|---|---|---|---|
| 6851 | खाङ्ग्रे | ना. | १. ठुलो आकारको डोको; खाङ्ग्रो। |
| 6852 | खाङ्ग्रे | ना. | वि. २. खाङ्ग्रो बोकेर हिँड्ने। |
| 6853 | खाङ्ग्रे डोको | ना. | खोस्मेरा, पत्कर, घुसान आदि बोक्ने ठुलो डोको। |
| 6854 | खाङ्ग्रो | ना. | घाँस, पत्कर, खोस्मेरा आदि बोक्ने ठुलो आकारको डोको; खाङ्ग्रे। |
| 6855 | खाजा | ना. | १. पोते उन्दा धागामा नउनिई छिरलिएका दाना। |
| 6856 | खाजा | ना. | २. छाप्ने अक्षरका विभिन्न टाइप एकै ठाउँ मिसिएको रास वा थुप्रो। |
| 6857 | खाजा | ना. | १. मध्याह्न घर्केपछि खाइने खानेकुरो; दिउँसोको साधारण खाना; चमेना; अर्नी। |
| 6858 | खाजा | ना. | २. विवाह भएको वर्ष दिनपछि दुलाहाबाट दुलहीका माइतमा कोसेलीका रूपमा पठाइने सेलरोटी, फलफूल आदि खानेकुरो। |
| 6859 | खाट | ना. | मानिस सुत्ने वा बस्ने, काठ आदिबाट बनाइएको प्रायः चारखुट्टे, ठुलो, लामो खटिया; ठाउँ सार्न मिल्ने टाँड वा ओछ्यौटो। |
| 6860 | खाट तौली | ना. | आँगा र थापाचिनियाँ दुई थरी मिसिएको धान। |
| 6861 | खाटा | ना. | घाउखटिरा निको भएर छालामा बसेको पाप्रो; घाउको बाहिरी भाग सुकेको पाप्रो वा डोब। |
| 6862 | खाडल | ना. | खनेर वा भलबाढी आदिले जमिनमा परेको गहिरो ठाउँ; अग्लो जमिनका बिचमा परेको खाँद; खाल्टो; भड्खारो। |
| 6863 | खाडी | ना. | १. दलदले वा आहालजस्तो भएको जमिन वा ठाउँ; धाप। |
| 6864 | खाडी | ना. | २. सनपाट, छाला आदि कुहाएर धुनका लागि बनाइएको ससानो पोखरी। |
| 6865 | खाडी | ना. | ३. तीनतिर जमिनले घेरिएको समुद्रको सानो भाग; उपसागर। |
| 6866 | खात | ना. | १. एकमाथि अर्को गर्दै धेरै वस्तुको खप्ट्याइ; चाङ; तह; ठेली। |
| 6867 | खात | ना. | २. रास; थुप्रो। |
| 6868 | खाता | ना. | १. कुनै कार्य, विभाग वा व्यक्ति आदिको आयव्यय वा लेनदेनको लेखा। |
| 6869 | खाता | ना. | २. हरेक ग्राहक, असामी आदिको लेनदेन वा यस्तै हिसाब राख्ने किताब ; बही। |
| 6870 | खाता | ना. | ३. जमिनको नाप, आम्दानी आदिको बेहोरा लेख्ने सरकारी बही; क्षेत्रीय पुस्तिका। |
| 6871 | खाताखात | ना. | खातमाथि खात; अटाईनअटाई हुने काम। |
| 6872 | खाता जाँच | ना. | सरकारी अड्डाखाना वा कम्पनी, महाजन आदिको आम्दानीखर्चको हिसाबबही जाँच्ने काम। |
| 6873 | खातापाता | ना. | दुवैतिर गालामा बाक्लो गरी उम्रेको दाह्री। |
| 6874 | खाता बही | ना. | सरकारी तथा गैरसरकारी निकाय वा व्यक्तिविशेषको आम्दानी - खर्च, रकमकलम आदि हिसाब लेखिने बही; बहीखाता (लेजर)। |
| 6875 | खातिर | ना. यो. | १. निम्ति लागि। |
| 6876 | खातिर | ना. यो. | ना. २. आदर; सम्मान। |
| 6877 | खातिर | ना. यो. | ३. मनमा गडेको कुरा; खुट्को। |
| 6878 | खातिरजमा/जामा | ना. | १. सन्तोष; विश्वास। |
| 6879 | खातिरजमा/जामा | ना. | २. सान्त्वना; भरोसा। |
| 6880 | खातिरजमा/जामा | ना. | ३. भलो मनसुबा; आफ्नो कर्तव्य सम्झेर गरिने व्यवहार। |
| 6881 | खातिरदारी | ना. | आगन्तुक, अतिथि वा मान्य जनको आदरसत्कार गर्ने काम; आदरभाव। |
| 6882 | खातिरी | ना. | खातिरदारी। |
| 6883 | खाते | ना. | फोहोरको खातबाट चिजबिज बटुली त्यसैको बेचबिखन गरेर जीविका चलाउने मान्छे। |
| 6884 | खातैखात | ना. | एकमाथि अर्को खप्ट्याएर वा एकै ठाउँमा राखिएका वस्तुहरूको चाङ; रास; थुप्रो, धेरै तह। |
| 6885 | खात्तिनु | अ.क्रि. | एकमाथि अर्को हुँदै चाङ पर्नु, खात लाग्नु। |
| 6886 | खाद | ना. | १. खेत, बारी आदिलाई मलिलो बनाउने गोबर वा कुहिएको पातपतिङ्गर, मल। |
| 6887 | खाद | ना. | २. खेतबारीलाई उब्जाइलो बनाउनका निम्ति रासायनिक प्रक्रियाद्वारा तयार पारिएको पदार्थ, उर्वरक। |
| 6888 | खादक | वि. | कुनै वस्तुलाई खाने वा भोग्ने; भक्षक। |
| 6889 | खादन | ना. | खाने काम; भोजन; खवाइ। |
| 6890 | खादा | ना. | देवदेवीको पूजाआजामा चढाइने र विशिष्ट व्यक्तिका स्वागत तथा सम्मानमा मालाका रूपमा प्रदान गरिने सेतो वा अन्य रङको पातलो कपडाको उपहार। |
| 6891 | खादी | ना. | खद्दर; खाँडी। |
| 6892 | खाद्य | वि. | १. खाइने वा खान लायक | |
| 6893 | खाद्य | वि. | ना. २. खाइने पदार्थ (अन्न, फलफूल आदि)। |
| 6894 | खाद्य कृषि बजार सेवा विभाग | ना. | कृषिमन्त्रालयअन्तर्गत खाद्य, कृषि, हाटबजार आदिको विकास र निर्देशनसँग सम्बन्धित एक विभाग। |
| 6895 | खाद्यनली | ना. | श्वासनलीको समानान्तर रूपमा रहेको र खाएको पदार्थ पेटसम्म पुऱ्याउने नली; गोजेरो। |
| 6896 | खाद्य नियन्त्रण | ना. | खाद्य सामग्रीलाई कुनै स्थानमा बढी र कुनै स्थानमा घटी हुन नदिई सबै ठाउँमा समान रूपले उपलब्ध गराइने चाँजोपाँजो; खाद्य सामग्रीमाथिको नियन्त्रण। |
| 6897 | खाद्य पदार्थ | ना. | खाइने चिजबिज; अन्नपा। |
| 6898 | खाद्य सङ्कट | ना. | भोजन-सामग्रीको चर्को अभाव, भोज्य वस्तुको ठुलो कमी। |
| 6899 | खाद्य सञ्चय | ना. | अनिकाल, खडेरी आदि समयका निम्ति पहिलेदेखि नै सँगाली राखिएको अन्नपात; खाद्य वस्तुको सञ्चय। |
| 6900 | खाद्य स्थिति | ना. | खाद्यपदार्थ पुग्ने वा नपुग्ने अवस्था; खाइने वस्तुको कमबेसी आदि हेरिने व्यवस्था वा स्थिति। |