|
|
|
|
|
|---|---|---|---|
| 4801 | केदार | ना. | १. धानखेतको गरो, आली वा बगैंचाको ड्याङ, क्यारी। |
| 4802 | केदार | ना. | २. गङ्गोत्तरी र बदरीनाथका बिचमा रहेको हिमालयको एक शिखर वा त्यस शिखरमा अवस्थित प्रसिद्ध शिवलिङ्ग। |
| 4803 | केदार | ना. | ३. रातको दोस्रो प्रहरमा गाइने ओडव षाडव जातिको एक राग। |
| 4804 | केदार खण्ड | ना. | केदारनाथको माहात्म्य वर्णन गरिएको स्कन्द पुराणको एक भाग। |
| 4805 | केदारनाथ | ना. | हिमाली खण्डको केदारपर्वतमा रहेका प्रसिद्ध शिवजी हिन्दूहरूको एक प्रसिद्ध तीर्थस्थल| |
| 4806 | केन | ना. | एघार उपनिषद्द्मध्ये एक। |
| 4807 | केन्तुम् शाखा | ना. | भारोपेली भाषा खलकमा 'सय' शब्दलाई बुझाउने थालनीको इरानेली रूप शतम् र ल्याटिन रूप 'केन्तुम्' का आधारमा मुख्य दुई हाँगामा विभाजित शाखामध्ये एक; त्यसरी 'स' ध्वनिलाई 'क' को प्रयोग वा उच्चारण गर्ने भाषाखलकको वर्ग वा शाखा [केन्तुम् (ल्याटिन), केत् (प्राचीन आयरेली), कन्द (तोखारेली), केन्तो ( इटालेली), खेन्त (फ्रान्सेली), हन्ड (अङ्ग्रेजी), हैक्तोन (ग्रिसेली) आदि ] | |
| 4808 | केन्द्र | ना. | १. कुनै स्थान वा वस्तुको मध्य भाग वा बिन्दु माझ बिचको ठाउँ, नामि। |
| 4809 | केन्द्र | ना. | २. विभिन्न कार्यसञ्चालन हुने मुख्य ठाउँ वा सदर मुकाम। |
| 4810 | केन्द्र | ना. | ३ सङ्घसंस्था आदिको प्रधान कार्यालय रहेको स्थान। |
| 4811 | केन्द्र | ना. | ४. सधैँ बस्ने ठाउँ। |
| 4812 | केन्द्र | ना. | ५. तैनाथ गर्ने विभाग। |
| 4813 | केन्द्र | ना. | ६. फलित ज्योतिषअनुसार जन्मकुण्डलीको पहिलो, चौथो, सातौं र दसौं स्थान | |
| 4814 | केन्द्रबिन्दु | ना. | कुनै घेराको माझमा रहेको स्थिर बिन्दुछु मध्यबिन्दु। |
| 4815 | केन्द्रमण्डल | ना. | पृथ्वीभित्रका केन्द्रवरिपरिको खण्ड। |
| 4816 | केन्द्राभिमुख | वि. | बाहिरबाट केन्द्रतिर जाने वा आफ्ना सम्भावना र शक्तिको उपयोग नगरी केन्द्रतिरको मुख मात्र ताक्ने। |
| 4817 | केन्द्रित | वि. | केन्द्र बनाइएको, एकै ठाउँमा भेला गरिएको; केन्द्रीभूत| |
| 4818 | केन्द्री | वि. | केन्द्रमा रहेको वा रहने, केन्द्रस्थि। |
| 4819 | केन्द्रीकरण | ना. | १. केन्द्रमा नै समेट्ने वा केन्द्रद्वारा नै सबै कार्य परिचालन गर्ने काम केन्द्रित गर्ने वा पार्ने काम। |
| 4820 | केन्द्रीकरण | ना. | २. एकै ठाउँमा जम्मा गर्ने काम। |
| 4821 | केन्द्रीभूत | वि. | केन्द्र वा प्रमुख स्थानमा रहेको चारैतिरबाट एकै ठाउँमा जम्मा भएको केन्द्रि। |
| 4822 | केन्द्रीय | वि. | १. केन्द्रसम्बन्धी; केन्द्रको। |
| 4823 | केन्द्रीय | वि. | २. केन्द्र वा मध्य भागको प्रधान, मुख्य। |
| 4824 | केन्द्रीय | वि. | ३. कुनै राज्य वा राष्ट्रको केन्द्रस्थान वा राजधानीसित सम्बन्धित (केन्द्रीय कार्यालय, केन्द्रीय शासन, केन्द्रीय सरकार इ.)। |
| 4825 | केन्द्रीय बैङ्क / ब्याङ्क | ना. | १. ब्याङ्कहरूको प्रधान अङ्ग वा ब्याङ्कहरूको पनि ब्याङ्क। |
| 4826 | केन्द्रीय बैङ्क / ब्याङ्क | ना. | २. वित्तीय कारोबारका साथै मातहतका सम्पूर्ण ब्याङ्कहरू सञ्चालन गर्ने ब्याङ्कहरूको प्रधान कार्यालय, राष्ट्र बैङ्क। |
| 4827 | केन्द्रीय शासन | ना. | कुनै राष्ट्रमा केन्द्रीय सरकारमै शासनसत्ताको अधिकार रहने र केन्द्र वा राजधानीबाटै देशको सम्पूर्ण शासन चलाउने व्यवस्था | |
| 4828 | केन्द्रीय सङ्गठन | ना. | गाउँ वा जिल्लास्तरमा भएका सङ्गठनका कार्यहरूलाई नियन्त्रित वा सञ्चालित गर्न केन्द्रको रूपमा स्थापना गरिएको वा केन्द्रमा स्थापना भएको सङ्गठन। |
| 4829 | केन्द्रीय सरकार | ना. | राष्ट्रको केन्द्रमा रहेर वा राष्ट्रिय स्तरमा देशको शासन व्यवस्था मिलाउने र चलाउने मुख्य सरकार, केन्द्रीय मन्त्रिमण्डल वा मन्त्रिपरिषद्। |
| 4830 | केन्द्रमुखी | वि. | केन्द्रपट्टि झुकेको वा केन्द्रलाई नै मुख्य लक्ष्य बनाएको केन्द्रको मात्र भर परेको। |
| 4831 | केप | वि. | टोटामा जडिने, टोपीका आकारको आगो पार्ने धातुको साधन। |
| 4832 | केमाच | ना. | कसुरजस्तो कन्द, सेतो जरा र लामा लामा पात हुने, पानीभित्र उम्रने एक जातको भयाउ वा एक किसिमको घाँस। |
| 4833 | केयूर | ना. | पाखुरामा लगाइने नवरत्न जडिएको एक गहना, बाजु। |
| 4834 | केर्नु | स. क्रि. | लेखिएका अक्षर, शब्द आदिलाई धर्सो तानेर रद्दी पार्नु, केरमेट गर्नु, मेट्नु। |
| 4835 | केर्नु | स. क्रि. | दोषी वा बापतीलाई उसले गरेको अपराधका बारेमा सोधपुछ गर्नु, अपराधको पत्ता लगाउन कारकेर गर्नु, खोहोऱ्याउनु। |
| 4836 | केरकार | ना. | दोषी वा बापतीलाई सोधपुछ गर्ने काम, कारकेर। |
| 4837 | केरकार | ना. | २. केर्ने र मेट्ने काम, केरमेट। |
| 4838 | केरमेट | ना. | लेखिएका अक्षर, शब्द आदिमा धर्का तानेर रद्दी पार्ने काम, केरकार। |
| 4839 | केरा | ना. | निकै ठुला लामा पात हुने, कलेजी रङको कमलका आकारको बुङ्गो लाग्ने, पाकेपछि पहेँला, राता, हरिया रङका बोक्रा हुने लाम्चा गुलिया कोसे फल फल्ने जातजातको बोट वा त्यसैको फल कदली। |
| 4840 | केराइ | ना. | १. केर्ने काम वा किसिम मेटाइ। |
| 4841 | केराइ | ना. | २. कारकेर गर्ने काम, खोहोऱ्याइ। |
| 4842 | केराइनु | क.क्रि. | १. केर्न लाइन, मेटाइनु, केरमेट गराइनु। |
| 4843 | केराइनु | क.क्रि. | २. खोहोऱ्याइनु, कारकेर गरिनु। |
| 4844 | केराउ | ना. | डाँठमा दुईतिर सँगसँगै लाम्चिला जोर पात पलाउने, निला, सेता वा कलेजी रङका फूल फुल्ने, लामालामा नङ्ग्रा हुने र लाम्चिला कोसा फल्ने दाल जातको लहरो वा त्यसैको फल | |
| 4845 | केराउ कोसे | ना. | केराउका जत्रा पोटिला कोसा हुने एक जातको सिमी। |
| 4846 | केराउनु | प्रे. क्रि. | १. केर्न लाउनु मेटाउनु, केरमेट गराउनु। |
| 4847 | केराउनु | प्रे. क्रि. | २. कारकेर गराउनु, खोहोऱ्याउनु। |
| 4848 | केरिनु | क.क्रि. | १. केर्ने मेट्ने काम गरिनु। |
| 4849 | केरिनु | क.क्रि. | २. सोधिनु, खोहोऱ्याइनु। |
| 4850 | केरे | अव्य. | कुराकानीमा आउने एक किसिमको थेगो। |